Bafil Talebanî: Em destê aştî û biratiyê dirêjî kesên ku bawerî bi yekîtiya rêzan dikin

PUKMEDIA

Bafil Celal Talebanî

Bi amadebûna Bafil Celal Talebanî, Dr.Ebdul Letîf Cemal Reşîd Serok Komarê Êraqê, Nêçîrvan Barzanî Serokê Herêma Kurdistanê, serkirde û nûnerên partiyên Êraqî û Kurdistanî, balyoz, konsul û nûnerên hejmareke welat Îro çarşemî 27.09.2023ê berî nîvro li salona Koşka Hunerê ya Silêmaniyê karên pêncemîn konferansa Yekîtiya Niştimanî ya Kurdistanê dest pê kir.

Konferans bi sirûda Yekîtiya Niştimanî ya Kurdistanê dest pê kir û piştre ji bo rêzgirtin ji rihê şehîd û qurbaniyên bûyera şewata navçeya Hemdaniyê, bi lêxistina sirûda niştimanî ya Êraqê û sirûda netewî ya Kurdistanê dest pê kir herweha ayetên Qurana Pîroz hatin xwendin.
Piştî wê jî Bafil Celal Talebanî gotara Yekîtiya Niştîmanî di konferansê de pêşkêş kir û tê de bixêrhatina mêhvanan kir û daxwaza yekrêziya rêzan û xizmetkirina gel kir.
Naveroka axaftina Bafil Celal Talebanî wiha ye:

"Ez bixêrhatina mêvan, endam û kadroyên rêzdar yên Yekîtiya Niştimanî ya Kurdistanê di pêncemîn konferansa Yekîtiya Niştimanî de dikim. Em li vir bi yek rih dicivin û ji bo bihêzkirina Yekîtiya Niştimanî ya Kurdistanê ji bo xizmetkirina gelê Kurdistanê kar bikin. Emê rêbaz û siyaseta Serok Mam Celal bişopînin.

Îro emê bi hev re dest bi qonaxeke nû bikin, divê em bi gel re li hev bikin û yekrêziya partiya xwe xurt bikin.divê em xwe amade bikin ku ji bo gelê xwe hemû qurbanî bidin.Em destê aştî û biratiyê dirêjî hemû aliyên Kurdistanî û partiyên Kurdistanî dikin. her aliyek ku bawerî bi azadî û yekrêziya rêzan hebe, peywendiyên me li gel birayên me yên li Bexdayê bihêztir bike û rêkeftina stratejî di navbera Kurd û Şîe de bihêztir bike û dewlemendtir bike û bi birayên sunî û mesîhî re û her aliyek ku amade ye yekrêziyê bike û bi hev re ji bo demokrasiyê têbikoşin.
Yekîtiya Niştimaniya Kurdistanê partiyeke bihêz û geşe, ji ber wê jî di qonaxa niha de û beriya du hilbijartinan konferansa xwe lidar dixe, divê em bergiriyê li gelê xwe bikin û Kurdistanê bikin beheşteke ku her kes tê de azad bijî û bê tirs nêrîna xwe diyar bike. Em bergiriyê li mafên jinan û pêkhateyan dikin, û bernameyên baş ji bo beşdariya ciwanan pêş dixin, ji ber ku ew dewlemendiya me ne, û mixabin heta niha bi awayekî baş xizmet ji wan re nehatiye kirin.

Ez tekez dikim ku em xizmeta gelê xwe dikin û aramî, ewlehî û rûmeta wî diparêzin, çawa ku em yekrêzî û aştiya Kurdistan û Êraqê diparêzin.
Bi vê boneyê spasiya we dikim ku we bawriya da min da ku di van du salên borî de bi hev re têbikoşin û hişt ku ez xizmeta we bikim. Ez soz didim we ku ez dev ji we bernadim û rê nadim dijminan, em Yekîtiya Niştimanî ya Kurdistanê ne partiya azadîxwaz û şehîdan, partiya qehremanan û rûxandina dîktatoriyê. Em xwe ji kesî re danaxin ji Xwedayê mezin pê ve serî netewînin.
Ez careke din spasiya we dikim û piştgiriya we dikim.Bijî Yekîtiya Niştimanî

PUKMEDIA