Pêncemîn kongireya Yekîtî dest pê dike

PUKMEDIA

Kongireya Yekîtî

Di bin dirûşma (Nûkirin di xebatê de... Lihevkirin di biryarê de) îro Çarşem 27.9.2023 li bajarê Silêmaniyê bi amadebûna 600 endaman, karê pêncemîn konferansa Yekîtiya Niştimanî ya Kurdistanê û hejmareke mezin ji mêvanên ji Herêma Kurdistanê, Êraq û welatên biyanî dest pê dike.

Yekem car di dîroka xwe de, Yekîtiya Niştimanî berî bidawîhatina dema xwe konferansa xwe lidar xist, lewra kadir û endamên Yekîtiyê bi coş û hêvî li konferansa partiya xwe dinêrin.
Tê pêşbînîkirin ku di konferansê de hejmara endamên Encûmena Serkirdayetiyê dakeve 51 endaman ku di nav wan de Serokê Yekîtiya Niştimanî jî heye û hejmara endamên Mekteba Siyasî jî dakeve 10 kesan.
Di konferansê de dê pêşniyara avakirina 3 encûmenan bê kirin, ew jî Encumena Bilind a Siyaset û Berjewendiyan, Encûmena Serkirdayetiyê û Encûmena Piştgiriyê û Serokê Yekitiya Niştimanî dê rasterast çavdêriya Encûmena Piştgiriyê bike, ku ji bo destnîşankirina kadroyên ciwan û jinan.Herwiha dê bibe navendek ji bo perwerdekirina rêberên ciwan.
Guhertina sîstema navxwe ya Yekîtiya Niştimanî ya Kurdistanê yek ji karên kongireya pêncem be, ji ber ku dê navendîbûna hizbî bihêztir bibe û hemû biryarên piştî konferansê bi yekdengî bên standin.
Mekteba siyasî ya Yekîtiya Niştimanî ya Kurdistanê roja 20.08.2023ê li bajarê Kerkûkê bi serperiştiya Bafil Celal Talebanî Serokê Yekîtiya Niştimanî ya Kurdistanê civiya û di civînê de biryar hat dayîn ku pêncemîn konferansa Yekîtiya Niştimanî di 27ê Îlona 2023an de were lidarxistin.


PUKMEDIA