Pêncemîn kongreya YNKê dê sibê dest pê bike

Kurdistan 11:02 AM - 2023-09-26

Logoya Yekîtiya Niştimanî ya Kurdistanê

Amadekariyên ji bo lidarxistina pêncemîn kongreya  Yekîtiya Niştîmanî, roja Çarşemê 27.9.2023 berdewam in û ev kongre  dê bandorê li Herêma Kurdistanê û Iraqê bike.
Çend roj berê konferansên malbend  û buroyên Yekîtiya Niştimanî ya Kurdistanê ji bo hilbijartina nûnerên xwe bo pêncemîn kongreyê bi beşdariya 3 hezar û 274 endaman bo hilbijartina 260 endaman bo beşdariya di pêncemîn kongreya  Yekîtiya Niştimanî ya Kurdistanê de hatin lidarxistin.

Endamên Mekteba Siyasî dê bo 10 kes  bên kêmkirin

Berpirsê Buroya Rêxistina Yekîtiya Niştimanî ya Kurdistanê (YNK) Sarkawt Zekî wiha got: Di kongreya pêncemîn a YNKê de dê hejmara endamên mekteba siyasî dakeve 10 kesan, di kongireya pêncem de pêşniyarê  3 encûmen bên avakirin ku Encumena Serkirdayetiyê ye, Encumena bilind  Berjewendiyan, û Encûmena Şêwirmendî an Piştgiriyê ye.’’
Sarkawt Zekî wiha got:Hijmara endamên Encûmena Serkirdayetiyê jî 51 endam pêk  bê, di nav wan de Serok Bafil Celal Talebanî ya din  Encûmena Şêwirmendî an Piştgiriyê, ku rasterast serperiştiya wê ji aliyê serok bi xwe ve tê kirin, ku dibe ku 100 endamên wê hebin, ew encûmenek e ku kadroyên nû, ciwan û jinan derxîne pêş, ku dê tê de bin, hin dê di paşerojê de rêbertiyê ava bikin û dê bibe komîteyek bikêrhatî ku li gorî pêşniyarên serok erkên xwe pêk bîne. ‘’
Guhertinên sîstema navxweyî ya partiyê û prensîba navendîbûna di rêxistina partiyê de dê were pejirandin û lihevhatinek di biryaran de hebe.” Piştî kongreyê , Yekîtiya Niştimanî dê bibe partiya kedkaran û girseyan. ‘’ Sarkawt Zekî wiha got.

Li malbend û buroyan 260 endamên kongreyê hatin hilbijartin

Di çarçoveya amadekariyên kongreyê de konferansa malbend û buroyan  hat lidarxistin û tê de 260 endam hatin hilbijartin.
Peyvdarê pêncemîn kongireya Yekîtiya Niştimanî ya Kurdistanê (YNK) Talar Letîf ji PUKMEDIA re ragihand: ‘’260 endamên kongreyê di proseyeke demokratîk de hatine hilbijartin ku 175 endam ji malbendan û 85 endam jî ji buroyan bûne.’’
Talar Letîf got: “Em hewl didin kongreyek serkeftî li dar bixin, daku baştir xizmeta gelê Kurdistanê bikin.
Yekitiya Niştimanî ya Kurdistanê (YNK) bo cara yekem di dîroka xwe de kongreya xwe pêşwext li dar dixe.
PUKMEDIA