Li Silêmanî, Bexda û Necefê wê Salvegera wefata Rûmeta Welat bê bîranîn

PUKMEDIA

Logoya Saziya Serok Celal Talabanî

Saziya Serok Celal Talebanî Bexdad
Îsal salvegera koça dawî ya Serok Mam Celal (rûmeta welat) de berevajî salên borî, biryar e merasîm bi danîna tacegulan li ser gora Mam li Silêmaniyê dest pê bike û li Necefê bi dawî bibe,her wiha  Kurtefîlmek li ser jiyana Serok Mam Celal hatiye amadekirin û di rojên pêş de wê ware nîşandan.
Balyoz Dr. Mihemed Sabîr Berpirsê Saziya  Serok Celal Talebanî ji malpera fermî ya Yekîtiya Niştimanî ya Kurdistanê (PUKMEDIA) re ragihand:“Amadekariyên me yên ji bo salvegera koça dawî ya Serok Mam Celal bi dawî bûne û wê bîranîn li Silêmanî, Bexda û Necefê were lidarxistin û ji bilî 10’ê Cotmehê li Silêmaniyê kurtefîlmek li ser jiyana Serok Mam Celal bê nîşandan. 
“Roja 3’ê Cotmehê ku hevdem e bi salvegera koça dawî ya Serok Mam Celal re, merasîm bi danîna tacegul li ser gora Mam Celal li Dabaşanê dest pê dike , ku ji aliyê Sekretariya Serok Mam Celal ve tê lidarxistin. Piştre jî saet 4ê êvarê dê li Bexdayê bi çavdêriya serokomarê Iraqê merasîmek were lidarxistin û serkirdeyên Iraqê jî tê de beşdar dibin û dê gotarên xwe pêşkêş bikin.” Serokê saziya serok Celal Talebanî dibêje.
“Di çarçoveya salvegera koça dawî ya Serok Mam Celal de, 4ê Cotmehê saet 11:00 bi roj  li bajarê Necefê, Saziya Celal Talebanî û Weqfa Behrulumê dê civînekê li dar bixin û û tê de gelek panel û gelek lêkolîn cih digirin li ser Serok Mam Celal  wê werin pêşkêşkirin.
Rêkefta 17-12-2012 Serokomarê Iraqê û Sekreterê Giştî yê Yekîtiya Niştimanî ya Kurdistanê (YNK) Serok Mam Celal bi sedema têkçûna rewşa tendirustiyê bo çareseriya pizîşkî bo Almanya hat şandin û mixabin roja 3-10-2017 kirîza dil derbas kir û jiyana xwe ji dest da.
PUKMEDIA