Pirojeyasaya Federasyonê li Encumena Nûneran vedigere rojevê

PUKMEDIA

Encumena Nûneran

Gelek sal piştî derxistina Destûra Bingehîn a herdemî ya Êraqê di sala 2005an de, yek ji girîngtirîn saziyên wê yên qanûnî ku Encûmena Federasyonê ye, nehat avakirin. Nûner û Pisporên yasayî tekez kirin ku ev projeyasa di qonaxa niha ya ku Êraq tê de derbas dibe de giring e, ji ber ku dê gelek mijaran birêxistin bike û ji bo cîbicîkirina qanûnê û pesendkirina wê jî pêwîstî bi hemahengiya hemû pêkhateyên parlamentoyê heye.

Di destûrê de dive Encumena Federasyonê bê avakirin

Madeya 65 a Destûra herdemî ya Êraqê dibêje: Encumena yasadanînê bi navê “Encûmena Yekîtiyê” tê damezrandin ku ji nûnerên herêm û parêzgehên ne rêxistinkirî li Herêmê pêk tê, pêkhatina wê, şert û mercên endametiyê di wê de, û her tiştê girêdayî wê bi qanûnek ku ji sê parên duduyan piraniya endamên meclisa nûneran derdixe tê kirin.

Nêrînên cuda li ser pirpjeyasayê

Nûnerê Yekîtiya Niştimanî ya Kurdistanê Kerwan Yarwês ji malpera fermî ya Yekîtiya Niştimanî ya Kurdistanê PUKMEDIA re dibêje: Li gorî tiştên ku di destûra bingehîn a Êraqê de hatine diyarkirin, diviyabû ji sala 2005ê ve ev destûr bihata qanûnîkirin. lê heta niha nehatiye kirin.
Got jî: proje yasaya encûmena Yekîtîiyê bo qonaxa niha ya Êraqê giringe, lê zehmete ku di civata nûneran de derbas bibe, Ji ber ku derbarê pêşnûmeya qanûnê de nêrînên cuda hene.

Lihevhatin di navbera hemî fireksiyonan de

Nûnerê Kerwan Yarwês dibêje: Proje yasaya encûmena yekîtiyê di civînên berê de ji civata nûneran re hatibû şandin, lê mixabin nehatibû qanûnîkirin.
Got jî: derbaskirina proje yasayê di civata nûneran de, pêdivî bi hemahengîya siyasî heye, û da zanîn ku, dezgeha yasayî li serokatiya Komarê kar bo amadekirina proje yasayê û şandina wê bo civata nûneran dike.

Pêşîlêgirtin li derxistina hin qanûnan

Pisporê yasayî Elî Temîmî di daxuyaniyeke taybet de ji PUKMEDIA re ragihand: Encûmena Yekîtiyê dikare pêşiya derxistina hin yasayên nakok ji aliyê Encûmena Nûneran ve bigire û rê li ber nakokiyên nehewce bigire.
Got jî: Civata Yekîtiyê pêdaçûnê li yasayan dike û mafê wê heye îtîraz bike û hijmareka wan vegerîne, ev civat giringe û li gelek welatan heye. Encumena Federal li gorî Destûra Bingehîn şaxê duyemîn ê desthilatdariya qanûndanînê ye li gor destûrê, mîna Senato û Senatoyan e û nûnerên parêzgeh û herêmên ku bi qanûnê nehatine tertîb kirin di nav xwe de digire.

Di navbera pêkhateyan de hevsengiyê biparêzin

Pisporê yasayî Elî Temîmî dibêje: Ev encûmen dê hevsengiya di navbera pêkhateyên Êraqê de biparêze û gelek pêkhate, parêzgeh û herêm tê de beşdar dibin û dê serok û endamên hemû pêkhateyan hebin.
Got jî: di dema niha da, bi baweriya min ev encûmen ji bilî zêdekirina barê darayî li ser bûdceya dewletê, dê bibe sedema kêşeyan û yasayên me hene ku giringtir in ji avakirina encûmenê, ku pêwîste bi yasayan bêne derxistin.

PUKMEDIA