Rêveberê YNKê Çirûska kongreya Kurdistanê û hewla siyasî ya Bexdadê ye

Kurdistan 03:34 PM - 2023-09-22

Serok Bafil

Serokê Yekîtiya Niştimanî ya Kurdistanê li ser mijara mûçe û mafên darayî yên Herêma Kurdistanê, êrîşa li ser firokexaneya Erbetê û bidawîkirina parêzgehbûna Helebceyê bi serkirdeyên partiyên Êraqî re civiya.
  Endamekî Fraksiyona YNKê got: Serok Bafil ji me re got her dem bergiriyê li gel bikin û meydana daxwazên xelkê boş mekin.

Serok Bafil piştevaniya xwe bo fraksiyona YNKê dupat kir

Endama Fraksiyona YNKê ya Parlamentoya Êraqê Dîlan Xefûr ji malpera fermî ya Yekîtiya Niştimaniya Kurdistanê (PUKMEDIA) re ragihand: Di hevdîtina li gel serokê fraksiyona me de pîrozbahî li me kir li ser wan hewlên ku di dema borî de ji bo gelê Kurdistanê kirine.

Xefûr herwiha got: “Serokê YNKê piştevaniya xwe bo fraksiyona me nîşan da û daxwaz ji me kir ku em bergiriyê li daxwazên xelkê bikin û erkê me ye ku em hevahengiyê li gel fraksyonên din ên parlamentoyê bikin da ku di berjewendiya Helebce de pirsgirêk derbas bibin.
 

Kongre û xizmet

Yekîtiya Niştimanî ya Kurdistanê çirûska kongreya xwe li Herêma Kurdistanê vêxist û dê li Bexdayê jî li ser xebatên xwe yên siyasî ji bo xizmetkirina xelkê berdewam be.

Serokê Yekîtiya Niştimaniya Kurdistanê Bafil Celal Talebanî di vn rojên derbasbûyî de li gel serokên partiyên Êraqî û balyozên welatan li Êraqê hevdîtin kir ku ji Nûrî Malikî, Seyîd Emmar Hekîm, Hadî El Amirî, Heyder Ebadî, Fayeq Zêdan, Reyan Kildanî û Ehmed Cebbarî (Ebû Mazin), Qeys el-Xezalî, û balyoz Eric Chovalier û Stephen Charles Hitchens û jêre ragihand: Divê pişka gelê Herêma Kurdistanê bi nakokiyên siyasî re neyê tevlihevkirin û di zûtirîn dem de pirsgirêkên navbera Hewlêr û Bexdayê bên çareserkirin.”

Serokê Yekîtiya Niştimanî ya Kurdistanê di hevdîtinên xwe de tekezî li ser berdewamiya diyaloga avaker di navbera aliyên siyasî yên Herêma Kurdistanê û Êraqê de kir, bi armanca derbaskirina kêşeyan û rakirina astengên li pêşiya piroseya siyasî bi taybetî pirsgirêkên navbera Herêm û Bexdayê, tekez kir ku divê mûçe û debara welatiyan ji pirsgirêkên siyasî dûr bê girtin, ku ew yek ji karên pêşîne yên hemû karên me ye, û welatiyên me êdî nikarin di nava ne rihetiyê de bimînin.

Bombekirina balafirgeha Erbet

Serok Bafil Celal Talebanî jî amaje bi hemahengî û hevahengiya di navbera aliyên siyasî de ji bo derbaskirina kêşeyan û çareserkirina pirsgirêkan li ser bingeha destûrê kir û daxwaz ji hikûmeta Êraqê kir ku erkên xwe yên destûrî cîbicî bike, dawî li binpêkirinan bîne û ti hincetekê nehêle ku erd û esmana welat were binpêkirin, ji bo parastina ewlehî û aramiya welat, wan mekanîzma gilî û girtina tedbîrên yasayî derbarê bombebarana hovane ya firokexaneya Erbetê û şehîdkirina hejmarek ji wan gotûbêj kirin.

Parêzgeha Helebce

Derbarê pirsa parêzgehbûna Helebce de, Serokê Yekîtiya Niştimanî ya Kurdistanê Bafil Celal Talebanî tekez kir ku yekrêziya me di derbarê parêzgehkirina Helebce de erkekî exlaqî û niştimanî ye û divê em hemû piştevaniya wê bikin. ku veguherandina Helebce bo parêzgeh û avakirina wê erkê hemû aliyek e û divê bi berpirsyarî li gel vî bajarî û xelkên wê be û parêzgehbûna wê wek berdêlek biçûk li hember wan qurbanîdanan be.

PUKMEDIA