Berdevka Kongreyê: Konferansa navend û mekteba dê dest pê bike

PUKMEDIA

Konferansa Mekteb û navendan

Di çarçoveya amadekariyên berdewam yên ji bo lidarxistina pêncemîn kongreya  Yekîtiya Niştimanî ya Kurdistanê de, biryar e sibê pêncşemê konferansên Mekteb  û navendên rêxistinî yên Yekîtiya Niştimanî ya Kurdistanê dest pê bike.

Berdevka Pêncemîn Kongreya  Yekîtiya Niştimanî ya Kurdistanê Talar Letîf ragihand, di çarçoveya amadekariyên berdewam ên ji bo lidarxistina pêncemîn kongreya Yekîtiya Niştimani ya Kurdistanê de, dê konferansên  mekteb û navendên rêxistinî dest pê bike.

Proseyeke demokratîk bo diyarkirina endamên kongireya pêncem 

Wê got jî: “Pêvajoya hilbijartinan sibê roja pêncşemê 21ê Îlona 2023, demjimêr 10ê sibê dest pê dike û demjimêr 4ê piştî nîvro di proseyeke demokratîk bo diyarkirina endamên kongireya pêncem de bi dawî bê, ji ber ku lîsteya dengder û berbijêran di dema borî de hatibû amadekirin.
Ev di demekê de ye ku di du rojên borî de di çarçoveya amadekariyên kongreya pêncemîn de Komîteyên Komîsyona Hilbijartinan a Yekîtiya Niştimanî ya Kurdistanê (YNK) ji bo vekirina deriyên berbijêrên ku dixwazin beşdarî kongreyê bibin, li mekteb  û baregehan dest bi xebatê kiribû  û her hevalekî ku navê wî di qeyda (mekteb û navend)  û saziya hilbijartinê de hebe, şansê beşdarbûna kongreyê jî heye.

Kongre xwe amedekirina başe bo Hilbijartinan

Biryare roja 27.9.2023 Yekîtiya Niştimanî ya Kurdistanê pêncemîn kongreya  xwe li bajarê Silêmaniyê bi beşdariya 600 endaman lidar bixe, berî ku beşdarî hilbijartinên encumenên parêzgehan bibe, ku biryare di 18.12.2023 û hilbijartinên Parlamentoya Kurdistanê 25.2.2024 bên lidarxistin. 
PUKMEDIA