Civaka navdewletî li hember wêrankirina herêmê kor e

Ajans

Mihemedê Hacî Mehmûd

Serokê Partiya Sosyalîst a Demokrat a Kurdistanê Mihemedê Hacî Mehmûd êrîşa li ser balafirxaneya çandiniyê ya Erbetê şermezar kir û got: ""Ev êrîşa û hemû êrîşên nerewa yên li ser Herêma Kurdistanê ji me re dibêjin ku dijminên gelê me jêrxana aborî, sivîl, siyasetmedar, cotkar, Pêşmerge û zevî û baxên Kurdistanê wek dijminên xwe dibînin û ji bo têkbirina wan îhmalî nakin."
Teksta daxuyaniyê:
Îro 18.09.2023ê, dijminên ewlekarî û aramiya Herêma Kurdistana Iraqê careke din bi firokeyên bê firokevan êrişî firokexaneya çandiniyê ya bajarê Erbetê kirin û di encamê de hejmarek şehîd û birîndar çêbûn.
Ev êrîşa û hemû êrîşên nerewa yên li ser Herêma Kurdistanê ji me re dibêjin ku dijminên gelê me jêrxana aborî, sivîl, siyasetmedar, cotkar, Pêşmerge û zevî û baxên Kurdistanê wek dijminên xwe dibînin û ji têkbirina wan îhmalî nakin.
Mixabin civaka Navdewletî  li hember wêrankirina ku li ser gel û axa me tê kirin kerr, kor û lal e.
Em bang li rayedarên pêwendîdar dikin ku sînorek ji wan êrîsan re dayînin.
Bila ruhê şehîdan rehet be û ji birîndaran re jî şifayê dixwazin.
Serokê Partiya Sosyalîst a Demokrat a Kurdistanê (PDK) Mihemedê Hacî Mehmûd
PUKMEDIA