Mekteba Siyasî: Di vê qonaxê de divê herî pêşîn jiyana welatiyan be

PUKMEDIA

Mekteba Siyasî bi serpereştiya BafIl Celal Talebanî civiya

Îro Serokê Yekîtiya Niştimanî ya Kurdistanê (YNK) Bafil Celal Talebanî serpereştiya civîna Mekteba Siyasî ya Yekîtiya Niştimanî ya Kurdistanê (YNK) kir.
Di civînê de pêşhatên dawî yên li Kurdistan, Iraq û navçeyê bi taybetî pirsa mûçe û refaha hemwelatiyên Kurdistanê û dawîtirîn hewlên şanda Hikûmeta Herêma Kurdistanê ya serdana Bexdayê û hevdîtinên ligel hikûmet û aliyên siyasî yên Iraqê hatin gotûbêjkirin.
Mekteba Siyasî tekez li ser wê yekê kir ku giringiya vê qonaxê divê mûçe û jiyana welatiyan be, ji bo vê mebestê jî giringe rol û hewlên Hikûmeta Herêma Kurdistanê û Bexdayê di vî warî de hebe.
Her li vê civînê de behsa serdana şanda YNKê bi serokatiya Bafil Celal Talebanî ji bo Komara Îslamî ya Îranê û hevdîtinên wê yên ji bo pêşxistina peywendiyên dostane yên Herêma Kurdistanê û Iraqê li gel Komara Îslamî ya Îranê hate kirin û bi avakerî berjewendiyên Kurdistan û Iraqê hatin nirxandin.
Di civînê de, Mekteba Siyasî behsa amadekariyên dawî yên ji bo lidarxistina kongreya pêncem a Yekîtiya Niştimanî ya Kurdistanê (YNK) kir û tekezî li ser pesendkirina tedbîrên ji bo lidarxistina kongreya serkeftî ya 27 Îlonê kir.
PUKMEDIA