Serok Bafil: parastina aramiyê û çareserkirina pirsgirêkan bi diyalogê

PUKMEDIA

Serok Bafil Talebanî

Civîn û hevdîtinên Serokê Yekîtiya Niştimanî ya Kurdistanê Bafil Celal Talebanî li gel berpirs û kesayetiyên navçeyî û navdewletî yên di rojên derbasbûyî de li mala Serok Mam Celal li paytext Bexdayê berdewam bûn û derbarê pêşhatên dawî û siyasî gotûbêj kirin. Li herêmê, ji bilî parastina aramiyê, û tekîd li ser wê yekê kirin ku Yekîtiya Niştimanî ya siyaseta aqilane û hevseng a serok Mam Celal bi rê ve dibe û bi îradeyek bihêz û serbixwe bo xizmetkirina xelkê.
Ji bo cîbicîkirina van prensîbên bingehîn û yên din, Serokê Yekîtiya Niştimanî ya Kurdistanê Bafil Celal Talebanî di destpêka heftiya borî de bi serokatiya şandeke pilebilind a Mekteba Siyasî serdana paytexta Îranê Tehranê kir. Bi Serokê Meclisa Şûraya Îslamî ya Îranê Mihemed Baqir Qalîbaf û Wezîrê Karên Derve Husên Emîr Ebdullahiyan, bi rayedarên Komara Îslamî ya Îranê re çendîn civîn û hevdîtin pêk anîn.
Di du civînên cuda de, Bafil Celal Talebanî tekezî li ser giringiya parastina aramî, ewlekarî û jiyana hevbeş li navçeyê û piştevaniya diyalog û têgihiştina berpirsane kir û tekez li ser wê yekê kir ku yekane rêya derbaskirina pirsgirêkan û gihîştina bi armancên niştimanî berdewamkirina hewlên ji bo çareserkirina pirsgirêkan û kontrolkirina navçeyê ye ji bilî berfirehkirina danûstendina bazirganî û hemahengiya çandî di navbera her du aliyan de.
Bafil  Celal Talebanî Serokê Yekîtiya Niştimanî ya Kurdistanê li Silêmaniyê  her wiha pêşwaziya Mihemed Kazim El Sadiq Balyozê Komara Îslamî ya Îranê li Iraqê kir û di hevdîtinê de tekez li ser yekxistina hewlên ji bo çareserkirina pirsgirêkan û bihêzkirina peywendiyan hate kirin, di navbera Herêma Kurdistanê û Komara Îslamî de amaje bi hewlên Yekîtiya Nîştimanî ya ji bo çareserkirina pirsgirêkên di navbera hikûmeta herêmê û hikûmeta federal de kir û tekez li ser berdewamiya hewlên ji bo derbaskirina vê rewşê û dîtina çareseriyeke radîkal ji bo pirsgirêkan di zûtirîn dem de kir ku  xizmeta berjewendiyên bilind ên di navbera her du aliyan de bike.
  Serokê Yekîtiya Niştimanî ya Kurdistanê Bafil  Celal Talebanî li mala Serok Celal Talebanî li Bexdayê, bi cuda pêşwaziya Balyozê Sûriyê li Iraqê Sattam Jadan El Dandah û Balyoza Amerîka li Iraqê Alina Romanowski kir, Talebanî di hevdîtina xwe de ligel Balyozê Sûriyê tekez li ser xema xwe ji bo bidestxistina ewlehiyê li Sûriyê û navçeyê kir û amaje bi wê yekê jî kir ku Yekîtiya Niştimanî ya Kurdistanê piştevaniya çareseriya aştiyane li wî welatî dike û daxwaza berfirehkirina hevkarî û hemahengiya leşkerî û îstixbaratî dike ku  faktora serkeftina hewlên parastina ewlehî û aramiyê û rûbirûbûna paşmahiyên terorîstan dike.
Serokê Yekîtiya Niştimanî ya Kurdistanê Bafil Celal Talebanî jî di hevdîtina xwe ya li gel Balyozê Amerîka li Iraqê de tekez li ser wê yekê kir ku ji bo bidawîkirina rewşa niha hemû bijarde li pêşiya me vekirîne û bêyî derbaskirina pirsgirêkan  aramî pêk nayê, ji bo pêşhatên dawî yên siyasî, aborî û emnî û nakokiyên navbera Hewlêr û Bexdayê, dupat kir ku dilgiraniya xwe bo mafê debara jiyana welatiyan û mafê darayî ku bi mijarên siyasî ve girêdayî ye, ji ber ku debara jiyana xelkê pirseke mezintir e ji qurbanîdana nakokiyên siyasî. Her di vê çarçoveyê de her du alî tekez li ser pêwîstiya dîtina rêçareyên destûrî û siyasî ji bo kêpirsgirêkan  bi awayekî ku daxwazên her kesî pêkbîne û aramiya deverê biparêze.
PUKMEDIA