Encumena Nûneran xwendina sêyem bo parizgabûna Helebce dike

PUKMEDIA

Helebce

Piştî hewl û hewlên berdewam yên fireksiyona Yekîtiya Niştimanî ya Kurdistanê, îro pêncşemê 14.9.2023 serokatiya civata nûneran biryar da ku dengdan li ser proje yasaya pêkanîna parêzgeha Helebce bike.

Di vê derbarê de, Parlementerê Yekîtiya Niştimanî ya Kurdistanê li Parlementoya Êraqê Çiro Hema Şerîf di daxuyaniyekê de ji PUKMEDIA re ragihand: “Îro roja pêncşemê civata nûneran dê xwendina sêyem ya proje yasaya derbarê mijarê avakirina Parêzgariya Helebce û dengdanê li ser wê bike, destnîşan kir ku “Wezareta Plandanînê ya Federal pêştir sînorên îdarî yên parêzgeha Helebce ji aliyê Wezareta Navxwe ve pesend kiribû û piştre wezareta navxwe pesend kir.
Çiro Hema Şerîf diyar kir ku Yekîtiya Niştimanî ya Kurdistanê li civata nûneran gelek caran daxwaz kiriye ku dengdan li ser proje yasayê bikeve rojeva civînên encûmenê û bi fermî pirsa xistina parêzgeha Helebce wek parêzgeha 19. Li Êraqê di vê çarçoveyê de Serokê Meclisa Nûneran bang li Komîteya Herêm û Parêzgehan kir ku tedbîrên pêwîst bên kirin û deng bidin projeyasayê.”
Di ggotûbêjkirina damezrandina hikûmeta Êraqê de, mijara parizgehbûna Helebce yek ji xalên ku Serokê Yekîtiya Niştimanî ya Kurdistanê Bafil Celal Talebanî pêşkêşî serokwezîrê destnîşankirî Mihemed Şiya Sûdanî hat kirin. fireksiyon jî hewlên xwe ji bo temamkirina pesendkirina proje yasayê zêde kir, heta ku serokatiya civata nûneran biryar da ku ev pirs di rûniştina bê ya encûmenê de were cîbicîkirin.
Meclîsa Nûneran di 24.04.2023an de xwendina yekem a proje yasaya parizgebûna Helebceyê û di 4.5.2023ê de jî xwendina xwe ya duyem kir.


PUKMEDIA