Li Parlamentoyê de daxwaza eşkerekirina bûyerên Kerkûkê dike

PUKMEDIA

Xwepêşanderên Kurd li Kerkûkê

Serokê Parlamentoya Iraqê li ser daxwaza endamekî Fraksiyona YNKê komîteyek ji bo lêkolînkirina bûyerên Kerkûkê û îşkencekirina xwepêşanderên kurd pêk anî.
Parlamenterê Fraksiyona YNKê li ser pişka Kerkûkê di Parlamentoya Iraqê de Dylan Xefûr ji malpera fermî ya Yekîtiya Niştimaniya Kurdistanê (PUKMEDIA) re ragihand: “Di rûniştina îro ya parlamentoyê de min daxwaza avakirina komîteyek ji bo eşkerekirina mesela  îşkencekirina xwepêşanderên Kurd li Kerkûkê kir û serokê parlamentoyê jî daxwaza min pesend kir û biryar da ku di vê derbarê de komîteyek bê avakirin.’’
"Em ê berdewam bin li ser şopandina rewşa Kerkûkê û bûyerên nexwestî û em îsrar dikin ku li ser sizakirina teqekara  û kesên ku mafên welatiyan û xwepêşanderan binpê kirine, wek ku me soz daye û erkê me ye ku  hember vê tundiyê bêdeng namînin." Binpêkirinên ku li dijî xwepêşanderên Kurd hatine kirin, bûne sedema şehîd û birîndaran,". Dylan Xefûr got
PUKMEDIA