Yekîtiya Nivîskaran bûyerên Kerkûkê şermezar dike

PUKMEDIA

Yekîtiya Nivîskaran

Yekîtiya Nivîskarên Kerkûkê daxwaza aramkirina rewşa Kerkûkê kir û bi her awayî ew kiryarên tundûtûjiyê yên ku beriya çend rojan li bajarê Kerkûkê hatibûn kirin şermezar kir.

Nivîskar Feysel Taher El-Hemundî nûnerê Yekîtiya Nivîskarên Kerkûkê di civîneke rojnamevaniyê de bi amadebûna endamên sendîkaya ku PUKMEDIA şopandibû got: Mixabin bûyerên nexwestî li bajarê me qewimîn û pirsgirêkên mezin derketin.
Got jî: Em wek Yekîtîya Nivîskarên Kerkûkê û hemû pêkhateyên wê, her nîyet û hewlên têkdana ewlehî û aramîya bajarê xwe şermezar dikin, em teqekirina xwepêşanderan û kuştina 4 xortên kurd şermezar dikin. Û em daxwaza cezakirina tawanbaran dikin.
Got jî: Pêwîst bû hikûmet û îdareya Kerkûkê bi erkê xwe rabin û rê li ber girtina cadeyan û peydakirina pirsgirêkan li Kerkûkê bigrin û nehêlin xwîna xortên me bê rijandin.Em bang li serokwezîr û îdareya Kerkûkê dikin. xwenîşandanên çekdarî bi zûtirîn dem ji bajarê Kerkûkê bên derxistin ji ber ku dibin sedema tirsa welatiyan.
Herwaha got: Em qebûl nakin ti aliyek welatiyan teşwîq bike û bixwaze ku rewşa Kerkûkê aloztir bike û wê bike rêyeke din, em wek nivîskarên Kerkûkê dê kar bikin ku rê li ber wan kesên ku hewla çandina di navbera pêkhateyên Kerkûkê de, emê li dijî destwerdanên derve di rewşa Kerkûkê de rawestin, ji ber ku Kerkûk bajarek e, aştî, pêkvejiyan û biratiyê ye.


PUKMEDIA