Daxwaz gihandin serokwezîrê Federal

PUKMEDIA

Dîlan Xefûr

Nûnera Yekîtiya Niştimanî ya Kurdistanê piştrast kir ku wan daxwazên xelkê Kerkûkê gihandine Serokwezîrê Federalî Mihemed Şiya El-Sûdanî.

Nûnerê Dîlan Xefûr di daxuyaniyeke taybet de ji PUKMEDIA re ragihand: Parlamenterên Kerkûkê bi Serokwezîrê Federalî Mihemed Şiya El Sûdanî re li ser rewşa parêzgeha Kerkûkê civiyan û em jî wek parlamenterên Yekîtiya Niştimanî ya Kurdistanê daxwaza berdana hemû girtiyan û rawestandina serdegirtinên malan kir.
Wê got jî: Min ji serokwezîr re got ku ev civîn pir dereng hat, ev 6 roj in xelk li ser cadeyan in û divyabû ev civîn berî rijandina xwîna şehîdên me bihata lidarxistin da ku awayî dîroka tal a demê Rêjîma Beasê ya hilweşiyayî dubare nabe, ez behsa radestkirina baregehekê nakim, ez behsa destwenedana serokwezîr di heyama borî, gelo van hevdîtinan piştî rijandina xwînê ciwanan sûdê dide?
Nûner Dîlan Xefûr got: Me di civînê de behsa paşguhkirina Kurdan û nebûna hevsengiya di postên ewlekarî û îdarî yên Kerkûkê de jî kir, ku ev yek cihê çend pirsgirêkan e û piştî gotûbêjên berfireh, me bi fermî çend daxwaz pêşkêş kirin da ku bilez bicih bînin.
Wê got: Me daxwaza berdana hemû girtiyan kir, ku xwepêşanderan ceza nekin û dest ji serdegirtina malan berdin û herwiha qerebûkirina şehîd û birîndarên xwenîşandanan û lêkolîna li ser îşkencekirina xwepêşanderên girtî.

PUKMEDIA