Li ser dosyeya avê di navbera Hewlêr û Bexdayê de ti nakokî nînin
Kurdistan 10:56 PM - 2023-08-28Wezareta Çandinî û Çavkaniyên Avê
Îro, Duşemê, Wezareta Çandinî û Çavkaniyên Avê ya Hikûmeta Herêma Kurdistanê, hebûna nakokiyan di navbera Hewlêr û Bexdayê de li ser stratejiya birêvebirina dosyeya avê li welat red kir.
Wezaretê di daxuyaniyekê de, ragihandiye: “Li ser torên civakî gotarek li ser çawaniya rûbirûbûna Herêma Kurdistanê li gel pirsa av û vekişandina avê ligel Iraqê hatiye belavkirin, ji bo wê yekê em ji raya giştî re radigihînin :Ji bo berdewamiya peywendiyan, roja 27.08.2023ê civîneke taybet hat lidar xistin di navbera Komîteya Taybet a Wezareta Çandinî û Çavkaniyên Avê ya Hikûmeta Herêma Kurdistanê û Wezareta Çavkaniyên Avê ya Iraqê de li ser çawaniya birêvebirina avê li gorî têgihiştin û hevahengiya di navbera her du aliyan de gotûbêj hat kirin.’’
Wezaretê her wiha got, "Ji ber têgihiştin û hemahengiya berdewam di navbera her du aliyan de, ti nakokî derbarê stratejiya birêvebirina dosya avê de nînin, ev jî nîşan dide ku "ew tiştên ku li ser medyayê têne weşandin bêbingeh in".
Wê amaje bi wê yekê jî kir ku di navbera Wezareta Çandinî û Çavkaniyên Avê ya Hikûmeta Herêma Kurdistanê û Wezareta Çavkaniyên Avê ya Iraqê de ti civîn nehatin betalkirin, berovajî, peywendiyên wan gelek baş in.
Her wiha diyar kir ku "Wezaret dê ligel hevtayê xwe yê federal bi mebesta parastina ewlekariya ava Iraq û Herêma Kurdistanê, rûbirûbûna zehmetiyên guherîna avhewayê û kêmkirina diyardeya kêmbûna avê li ser sektora çandiniyê û welatiyan bi giştî kar dike."
Di dawiyê de em radigihînin ku pirsgirêka avê di navbera Hikûmeta Herêma Kurdistanê û Hikûmeta Federal de li gorî destûrê hatiye organîzekirin, ji bo vê yekê jî her du wezaretan peywendiyên hevbeş pêk anîne û emê bi hev re kar bikin.
PUKMEDIA
hewal ziyatr
-
Hêzên Pêşmerge, artêşa Iraqê û hêzên hevpeyman civîneke bilind li dar dixin
09:51 PM - 2024-05-18 -
Encumena Nûneran serokekî nûh hildibjêre
11:27 AM - 2024-05-17 -
Serok Bafil: Em hewil didin hêzên neteweyî xur dûr ji berjewendiyên hizbî ava bikin
04:19 PM - 2024-05-16 -
Serokkomar pêşwaziya Serokê Filistînê dike
11:21 PM - 2024-05-15
zêdetir tamaşe bike
YNKê li gorî destûrê hewl dide pirsgirêkan çareser bike
02:02 PM - 2024-05-18
Di salvegera koça dawî ya têkoşer Adil Murad de
10:19 AM - 2024-05-18
Serok Bafil: Pêwîstiya me bi hilbijartinên dadmend heye
07:38 PM - 2024-05-17
Derbaz Kosret: Amrîkî giringiyê didin serencên serok Bafil
04:04 PM - 2024-05-17
zortrin xwendraw
-
Di salvegera koça dawî ya têkoşer Adil Murad de
Kurdistan 10:19 AM - 2024-05-18 -
Nêrweyî: Nûçeya Xebat peyameke îstixbaratê ye
Kurdistan 06:27 PM - 2024-05-18 -
YNKê li gorî destûrê hewl dide pirsgirêkan çareser bike
Kurdistan 02:02 PM - 2024-05-18 -
Hêzên Pêşmerge, artêşa Iraqê û hêzên hevpeyman civîneke bilind li dar dixin
Kurdistan 09:51 PM - 2024-05-18