Serokê YNKê: Emê kevneşopiya lidarxistina kongreyan asayî bikin

PUKMEDIA

Civîna Serkirdatiya YNKê

Serokê Yekîtiya Niştimanî ya Kurdistanê (YNK) Bafil Celal Talebanî îro serpereştiya civîna Encûmena Serkirdatiyê kir.
Di civînê de ku li baregeha Mekteba Siyasî ya Hewlêra payîtext birêve çû, behsa amadekariyên dawî yên kongreya pêncemîn a YNKê ku biryar e di 27ê Îlonê de were lidarxistin, hat kirin.
Di destpêka civînê de Serok Bafil bi berfirehî behsa girîngiya kongreyê di jiyana hizbî ya YNK'ê û têkoşîna siyasî de kir û got: “Kongre ji bo zêdetir teşwîqkirina tekoşîna ji bo serxistina bernameya xizmetkirina gelê Kurd û pêşxistina jiyan û refaha wî ye, ku bingeh û bernameya stratejîk a YNKê ya naguhere ye.’’
Serokê YNKê di dirêjahiya guhdarîkirina pêşniyar û nêrînên hevalên serkirdayetiyê û piştgiriya  wan ji bo lidarxistina kongreyeke serkeftî, hevdem pîrozbahiyên xwe pêşkêşî ruhê rêhevaltiya wan kir û tekez li ser wê yekê kir ku bi piştgiriya  Xwedê emê kongreyeke serkeftî û yekgirtî lidar bixin, em ê bi hev re biçin kongreyê û bi hev re bi serketî derkevin  û got: “Em ê ji dil de  kevneşopiya lidarxistina kongreyan weke partiyên Rojava her du salan carekê normal dikin.’’
Serok Bafil Celal Talebanî di beşeke din ji axaftinên xwe de got:“Pêşniyarên li Dîdar hatibûn kirin , ku mezintirîn civîna rêhevalên YNK’ê li hemû ast, organ û bajarên Kurdistanê bû, dê alîkariya me hemûyan bike ku kongreyeke serkeftî ku nêrîna hemû hevalên YNK’ê  li ser hebe lidar bixin.’’
Serok Bafil her wiha pêşniyar kir ku kongre ji hevalên têkoşer ku xwedî giranî û desthilatdarî be, meclîseke çalak bê avakirin û di serkeftina xebatên me de alîkariya me bikin.
Encumena Serkirdayetiyê piştî guhdarîkirina hûrgiliyên kar û xebatên Komîsyona Bilind ya Kongreyê, destxweşî li komîsyonê kir ji ber xebatên wê yên berê û Serok Bafil  rêhevalên Serkirdayetiyê  spart ji bo dewlemendkirina komîsyonê pêşniyar û nêrînên xwe pêşkêş bikin.
Di beşeke din ya civînê de behsa rewşa siyasî ya Kurdistan û Iraqê û nêrînên serkeftî yên YNKê bo çareser kirina pirsgirêkan  hate kirin. Di vê derbarê de Serokê YNKê ronîkirina pêwîst da û daxwaz ji hevalan kir ku bi heman ruhê yekrêzî û hevdengiyê ku ji aliyê dostên me yên Iraqî û hevpeymanên me yên cîhanê ve hatiye pesinandin, erkên xwe berdewam bikin.
Di dawiyê de Serok Bafil daxwaz li Encumena Serkirdayetiyê kir ku bi serbilindî vegerin nav rêhevalên xwe û têkoşîna xwe ya yekîtiyê ji bo kongreyeke serkeftî vejînin.
PUKMEDIA