Mekteba siyasî û serkirdayetî dê li Hewlêrê bicivin

PUKMEDIA

Logoya Yekîtiya Niştimanî ya Kurdistanê

Biryare Îro li Hewlêrê Serokê Yekîtiya Niştimanî ya Kurdistanê (YNK) Bafil Celal Talebanî serpereştiya civîna Mekteba Siyasî û Encûmena Serkirdatiyê bike.
Endamê Mekteba Siyasî ya Yekîtiya Niştimanî ya Kurdistanê (YNK) Stran Ebdullah ji PUKMEDIA re ragihand:“Mekteba Siyasî dê li ser mekanîzma û rêkarên ku Komisyona Bilind di kongreya pêncemîn de pêşkêş bike gotûbêj bike.’’
Stran Ebdullah got: Civîna li Hewlêrê tê wê wateyê ku Hewlêr ji bo YNKê giring e û giringiyeke taybet a siyasî û dîplomatîk heye.
Endamê Serkirdayetiya Yekîtiya Niştimanî ya Kurdistanê (YNK) Ehmed Zrar ji PUKMEDIA re ragihand: “Piştî civîna Mekteba Siyasî dê civîna encûmena serkirdayetiyê li Hewlêrê birêve biçe û mekanîzma lidarxistina kongreyê ji endamên serkirdayetiyê re bê şirovekirin.’’
Zrar got: Ji bilî pirsgirêkên navxwe yên YNK û Herêma Kurdistanê, çawaniya beşdarbûna endamên kongreyê û proseya lidarxistina kongreyê mijareke dinê civînê ye.
Ev yek di demekê de ye ku di civîna Mekteba Siyasî ya roja 20-8-2023`an li Kerkûkê, biryar dan  roja 27ê Îlonê pêncemîn kongreya Yekîtiya Niştimanî ya Kurdistanê li dar bixin, her wiha  Mekteba Siyasî ya YNKê biryar da ku civînên Mekteba Siyasî û Serkirdayetiyê li heman cihî neyên lidarxistin û civîna bê ya Mekteba Siyasî û Serkirdayetiyê jî li Hewlêrê bê lidarxistin.
PUKMEDIA