Stran Abdullah: Gelê Kurd YNKê weke ya xwe dibîne

Kurdistan 12:42 AM - 2023-08-27

Civîna mekteba Siyasî

Yekîtiya Niştimanî ya Kurdistanê amadekariyên kongreya xwe ya pêncemîn eşkere kir û ragihand: Gelê Kurd YNKê weke ya xwe dibîne û kesên yekîtî bi xwe biryara paşeroja xwe bidin. Cara yekem e kongreya YNKê di dema xwe de tê lidarxistin û bi vî awayî daxwazên Serok Mam Celal pêk tên".

Mekteba Siyasî û Serkirdayetî dê bicivina xwe lidar bixe

Berpirsê Buroya Ragihandinê ya Yekîtiya Niştimanî ya Kurdistanê Stran Ebdullah wiha got: Wê sibe saet 11.00’an Mekteba Siyasî ya YNK’ê bi serpereştiya Serok Bafil Celal Talebanî li Hewlêrê bicive û saet 14’ê piştî nîvro jî civîna Serkirdayetiyê tê lidarxistin.

Stran Ebdullah got: "Di civînê de dê li ser mekanîzma û rêkarên ku Komîsyona Bilind a Kongreya Pêncemîn a YNKê ku ji buroyên hilbijartin û rêxistinê, navenda lêkolînê û navenda karûbarê yasayî pêk tê gotûbêj bikin."

Telar Latîf berdevka pêncemîn kongreya YNKê ye

“Berpirsê Mekteba Ragihandinê amaje bi wê yekê jî dike ku: Heval Telar Latîf Berdevkê taybet ê Komîsyona Bilind a Kongreya Pêncemîn a YNK’ê û nêrîna fermî ya YNK’ê li ser kongreyê ye.

“Gelê Kurd YNKê wek ya xwe dibîne û YNK dê bi xwe biryara paşeroja xwe bide. Wî got ev cara yekem e ku kongreya YNKê di dema xwe de tê lidarxistin û bi vî awayî daxwazên Serok Mam Celal pêk tên.

Biryara Serok Bafil wêrek bû

Stran Abdullah derbarê biryara Serok Bafil de wiha got: Biryara Serok Bafil bo lidarxistina kongreya pêncem cesareteke mezine û YNK jî pesna vê biryara giring dide û herwiha pesna biryara lidarxistina kongreyê li wî bajarî dide tê wate Kerkûk di dilê YNKê de ye.

Herwaha got: Civîna ku dê li Hewlêrê bê lidarxistin, tê wateya ku Hewlêr ji bo YNKê giring e û giringiya xwe ya siyasî û dîplomatîk jî heye.


PUKMEDIA