Iraq û Tirkiya ber bi bidestxistina pareke adil û têr ji avê

Malpera Serokatiyê

Hevdîtinên Serokatî

Îro 23.08.2023ê cenabê Serokkomar Dr. Ebdulletîf Cemal Reşîd li Koşka Bexdayê bi amadebûna Fuad Husên Wezîrê Derve yê Tirkiyê pêşwaziya Wezîrê Derve yê Tirkiyê Hakan Fîdan û şanda li gel kir.
Di destpêka hevdîtinê de Serok tekezî li ser berfirekirina asoyên hevkariyên di warên aborî, bazirganî, jîngehparêzî, av û enerjiyê de kir, bi awayekî ku xizmeta berjewendiyên hevbeş yên gelên Iraq û Tirkiyê bike. Di vê çarçoveyê de Wezîr Fîdan diyar kir ku tê çaverêkirin hefteya bê Wezîrê Bazirganiyê yê Tirkiyeyê serdana Iraqê bike û Serokomar hêvî xwest ku ev serdan ji bo baştirkirina peywendiyên dualî bibe alîkar.
Di derbarê dosyeya avê de jî birêz Serokkomar  bal kişande ser girîngiya têgihîştina di navbera her du welatan de ji bo bidestxistina pişkek dadmend û têr ji avê ku pêwîstiyên gelê me pêkbîne û di vî warî de amaje bi wê yekê kir ku Iraq tûşî qeyraneke giran a avê  bûye. Ji ber kêmbûna herikîna avê gelek bandor li ser jiyana giştî ya Îraqiyan kiriye.
Cenabê Serok amaje bi giringiya berçav kirina hemû aliyên vê meselê kir, nemaze ku kirîza avê  ye ji bo her du aliyan û ciddiyeta aliyên Îraqî di hewlên bênavber de ji bo rewakirina bikaranîna avê, nûjenkirina sîstemên avdanî , paqijiyê bi rêya bikaranîna teknolojiyên nûjen , baştirkirina wan di  birêvebirina avê , çêkirina bendav û rezervan de diyar kir.
Wezîr Fîdan jî bal kişand ser wê yekê ku Tirkiye dilgiran e ji bo çareserkirina pirsgirêka avê çareseriyên radîkal bibîne û ji aliyê hikûmeta wî ve ji bo çareserkirina kêmbûna avê li Iraqê bi berdewamî tê şopandin û hêviya xwe ji bo civîneke hevbeş di navbera pisporên her du welatan de nîşan da ji bo gihiştina çareseriyên bi bandor, tekez kir ku welatê wî pabend e bi piştgirya  hewlên Iraqê ji bo bihêzkirina ewlehî û aramiya xwe û dixwaze peywendiyên di navbera her du welatan de ji demên kevnare ve, bi awayekî ku berjewendiyên hevbeş pêk bîne, xurt bike.
PUKMEDIA