Yekîtiya Niştimanî û Hevpeymaniya Navdewletî piştgiriya yekxistina Pêşmerge dikin

Kurdistan 04:22 PM - 2023-08-22

Yekîtiya Nîştimanî bi yekgirtina hêzên Pêşmerge re ye

Yekîtiya Niştimanî ya Kurdistanê hertim destpêşxeriya piştgiriya  yekxistina hêzên Pêşmerge bû û heta niha jî berdewame.Di vê çarçoveyê de Serokê Yekîtiya Niştimanî ya Kurdistanê û Cîgirê Serokê Hikûmeta Kurdistanê ku beşek ji Yekîtiya Niştimanî ya Kurdistanê ne ku  piştgirya Yekgirtina  û  yekxistina hêzên Pêşmerge dikin ji bo vê  zêdetir 30 civînên dîplomatîk û serbazî ligel şandên navdewletî kirine , ji aliyekî din ve, rêgirî di aliyê  Partiya Demokrat a Kurdistanê ve heye, ku piraniya hikûmetê kontrol kiriye û  astengkirina pêvajoya yekbûnê bi hincetên cuda dike.

Serok Bafil : Avakirina hêzeke neteweyî ya zexm

Serokê Yekîtiya Niştimanî ya Kurdistanê Bafil  Celal Talebanî di hevdîtina xwe ya dawî de li gel Fermandarê Giştî yê berê yê hêzên hevpeymaniya navdewletî li Iraq û Sûriyê General Matthew MacFarlane got: Yekîtiya Niştimanî ya Kurdistanê bi hemû şêweyan piştgiriya yekgirtina hêzên pêşmerge dike û daxwaza avakirina hêzeke niştimanî ya bihêz bo parastina Kurdistanê dike, lê bi dadperwerî û dûr ji berjewendiyên taybet."

Yekîtiya Niştimanî piştgiriya yekgirtina Hêzên Pêşmerge dike

Cîgirê Serokê Lijneya Karûbarên Pêşmerge di civîna pêncem a Parlamentoya Kurdistanê de Osman Sêderî ji malpera fermî ya Yekîtiya Niştimanî ya Kurdistanê PUKMEDIA re ragihand: Serok Bafil Celal Talebanî û Cîgirê Serokê Hikûmeta Herêmê Qubad Talebanî hertim tekez dikin di hevdîtinên xwe yên li gel serkirdeyên leşkerî yên navxwe û navdewletî de li ser yekgirtina hêzên Pêşmerge, lê Partiya Demokrata Kurdistanê xwedî çendîn ala û pêkhateyên leşkerî ye, ji ber wê jî naxwaze hêzên Pêşmerge bibe yek.
Sêderî her wiha got: “Di nav hikûmetên berê de hewlên cidî ji bo yekxistina hêzên Pêşmerge hebûn, lê di vê hikûmetê de, ne tenê ev hewldan nehatine aktîvkirin, belkî astengî li pêşiya pêkanîna proseyê û hewlên heyî tên danîn. Di vî warî de ji aliyê Partiya Demokrat ve jî hincetan bikar tîne."

Serhişkî herêmê ber bi çolê ve dibe

Cîgirê Serokê Lijneya Karûbarên Pêşmerge di rûniştina pêncem a Parlamentoya Kurdistanê de tekez dike ku, eger hişyariyên hevpeymaniya navdewletî li ber çav neyê girtin, rewşa navçeyê ji ya ku di dema referandumê de qewimî baştir nabe me bi serhişkî û nelihevkirinê %51 axa Kurdistanê ji dest da."
Derbarê hewlên komîteya wan bo yekxistina hêzên Pêşmerge de jî, Osman Sêderî dibêje: "Me çendîn car di Komîteya Karûbarên Pêşmerge de hewl da û projeyên yekxistina Hêzên Pêşmerge pêşkêş kir, lê guh nedan me. Wezareta Pêşmerge di nebûna wezîr de bi talîmat û fermanên hizbî gelek tedbîrên neyasayî girtin û karê wezaretê xiste bin pirsê.”
PUKMEDIA