Serok Bafil: Nakokiyên siyasî nabe zirarê bidin kurdbûna Kerkûkê

PUKMEDIA

Serok Bafil û hejmarek ji ciwan, hunermend û werzişvanên Kerkûkê

Serokê Yekîtiya Niştimanî ya Kurdistanê (YNK) Bafil Celal Talebanî li bajarê Kerkûka Qudusa Kurdistanê bi hejmarek ciwan, hunermend û werzişvanan re civiya.
Serok Bafil Celal Talebanî kêfxweşiya xwe bi vê hevdîtinê  re nîşan da û got, şiyan û şarezayiya ciwanên Kerkûkê ji bo YNKê ne nû ye, lê me ji mêj ve bi şareza û jêhatiya we bawer kiriye. Me xwest ku em bibin beşeke girîng ji bo baştirkirina qadên jiyanê û dabînkirina jiyanek aramtir ji we re. Got jî, YNK partiya we ye û bi hemû îmkanên xwe rola xwe dilîze û wê  zêdetir xizmeta Kerkûk û Kurdistanê bike.
Di hevdîtinê de rewşa Kerkûkê û pêwîstiyên xelkê hate gotûbêjkirin û Serok Bafil di bersiva pirs û pêşniyaran de got, yekîtîbûna  Kerkûkê diyar e û keleha kesk ya Kurdistanê ye, lewra xizmet û cîbicîkirina daxwazên we , wezîfeya me ye û em çi bikin dê dîroka we tijî serwerî û fedakarî re nebe bersiv.’’
Her wiha got: "Yekitî û pêkvejiyana li Kerkûkê xwedî dîrokeke dirêj e. Divê em hemû bi hev re ruhê aştî û hezkirinê geş bikin û Kerkûk bibe bajarê ku her kes hest bi aramiyê bike û mafên wan bên parastin."
Serok Bafel di dirêjahiya axaftina xwe de amaje bi nakokiyên siyasî kir û got ku, nakokî û cudahiyan divê zirarê nede kurdayetiya Kerkûkê û parastina mafên kurdan û hemû pêkhateyên din divê ji bo me karê sereke be.Yekîtî  we jî weke her carê vê berpirsyariyê hilgire û bibe karwanê bidestxistina pêşerojeke geş bo Kerkûk û Kerkûkiyên qehreman.
PUKMEDIA