Serok Bafil: Bidestveanîna mafên destûrî yên Herêmê karê me yê pêşîne

PUKMEDIA

Serok Bafil di civînê de

Serokê Yekîtiya Niştimanî ya Kurdistanê Bafil Celal Talebanî li Debaşan pêşwaziya Rosie Cave Konsula Giştî ya Brîtanya li Herêma Kurdistanê kir.

Di hevdîtinê de ku Berpirsê Ofîsa Pêwendiyên Yekîtiya Niştimanî ya Kurdistanê Emîn Baba Şêx jî tê de amade bû, rewşa siyasî ya Herêma Kurdistanê û berfirehkirina hevkarî û hemahengiyê ji bo çareserkirina pirsgirêkan gotûbêj kirin.
Serok Bafil Celal Talebanî balkişand ser berdewamiya hewlên niştimanî ji bo çareser kirina pirsgirêkan û baştirkirina asta jiyana welatiyan û got: “ Li herêma Kurdistanê em li ser yek çarenusê lihev dikin ku pêwîste em bi berpirsyarî li hember rewşa heyî û bi berpirsyarî tevbigerin. ku paşeroja herêmê û jiyana xelkê wê nebe qurbana berjewendiyên şexsî.”
Di derbarê birêxistinkirina hêzên Pêşmerge û hewlên ji bo serxistina vê proseya niştimanî jî Serok Bafil got: Yekîtiya Nîştimanî bi berpirsyarî bi rewşê re mijûl dibe û armanc dike ku di zûtirîn dem de hemû hêzan di çarçoveya pirojeyeke niştimanî de birêxistin bike. di xizmeta parastina berjewendiyên bilind de bin."
Di beşeke din ya vê hevdîtinê de, her du alî li ser kêşeyên navbera Bexda û Herêma Kurdistanê û destkeftên Herêma Kurdistanê gotûbêj kirin û Serokê Yekîtiya Niştimanî ya Kurdistanê got: Bidest anîna mafên yasayî û destûrî yên navçeyê û dabînkirina jiyaneke baş ji bo gelê me di nava xebatên wê yên sereke de ye û xebatên me yên bi vî rengî wê bidomin."


PUKMEDIA