Şalaw Elî Esker: Meylek di nav PDK de heye dixwaze pêwendiyan xerab bike

PUKMEDIA

Şalaw Elî Eskerî

Endamekî desteya kar a mekteba siyasî ya Yekîtiya Niştimanî ya Kurdistanê tekez kir ku meylek di nava Partiya Demokrat a Kurdistanê de heye ku kar dike bo têkbirina peywendiyên di navbera partiya wî û Yekîtiya Niştimanî ya Kurdistanê de.

Şalaw Elî Eskerî endamê desteya kargêrî ya Mekteba Siyasî ya Yekîtiya Niştimanî ya Kurdistanê di hevpeyvîneke rojnamevanî de behsa rewşa giştî ya Herêma Kurdistanê û Êraqê û peywendiyên navbera Yekîtiya Niştimanî û Partiya Demokrata Kurdistanê kir û got: “Piştî çûna Serok Mam Celal, bi taybetî piştî kongireya çarem, biryar hat dayîn ku Yekîtiya Niştimanî li ser asta bilind de hebûna xwe ya berdewam û bi bandor li Bexdayê hebe û ev yek di berjewendiya welatiyên Herêma Kurdistanê Kurdistanê de ye.

Di nava Partiya Demokrat de du meyl hene

Şalaw Elî Eskerî her wiha got: “Partiya Demokrat rêkeftinek ligel hinek aliyên Êraqê ji bo pêkanîna hikûmeta federalî hebû û di wê demê de me jî dixwast Yekîtiya Niştimanî, Partiya Demokrat û partiyên din ên Kurdistanî bi yekrêzî biçin Bexdayê, lê dema şanda me ligel şanda Partiya Demokrat çûbû Bexdayê, hinek aliyên Êraqî ji me re gotin ku ew ligel Partiya Demokrat li hev kirine.
Endamekî komîteya kar jî got: “Du meyla di nav Partiya Demokrat de hene, her dema ku em dixwazin peywendiyan asayî bikin, yek ji wan her du meyliyan pêwendiyan xera dike û ev rewş di piraniya civînên her du aliyan de dubare dibe.”

Xerakirina dîrokê ne di berjewendiya Kurdan de ye

Şalaw Elî Eskerî tekez li ser wê yekê kir ku her dema Yekîtiya Nîştimanî û Partiya Demokrat lihev bikin emê bikarin destkeftên mezin ji bo gelê Kurdistanê bi dest bixin û amaje bi wê yekê jî kir ku ew karesatên ku di dirêjahiya dîrokê de bi ser gelê Kurd de hatine bavêjin ser milê Yekîtiya Nîştimanî û berevajîkirina dîrok û rastiyan ne di berjewendiya gelê Kurdistanê de ye.

Parastina pêkhateya Herêmê erka yekîtiya neteweyî ye

Şalaw Elî Eskerî diyar kir ku, Serokê rihmetî Mam Celal hertim daxwaz ji me dikir ku Herêmê û yekbûna wê biparêzin û em vê beşek ji Kurdayetiyê û yek ji karên xwe yên sereke yên hizbî dibînin û got: “Em hertim bang dikin ku bi destûrê pabend bin lê em erkên ku dikevin ser milê me bi cih naynin." Ev dibe sedema lawazbûna pêkhateya herêmê li gorî kabîneyên hikûmetê yên berê, lê em dikarin tiştan ber bi başiyê ve sererast bikin."

PUKMEDIA