Serok Bafil: Berdewambûna pirsgirêkan xizmeta kesî nake

Nivîsgeha Ragihandinê ya Serokê YNKê

Serokê YNKê û sekreterê giştî yê tevgera Ehlî Heq e

Serokê Yekîtiya Niştimanî ya Kurdistanê (YNK) Bafil Celal Talebanî li Bexdayê bi Sekreterê Giştî yê Tevgera Ehlî Heq Qeys El-Xezalî re civiya.
Di civînê de rewşa giştî ya welat û hewlên ji bo cîbicîkirina bernameya hikûmetê hate gotûbêjkirin û tekez li ser hemahengî û hevkariya di navbera hêz û aliyên siyasî de ji bo bidestxistina berjewendiyên bilind û niştimanî hate kirin.
Di beşeke din ya civînê de tekezî li ser vegerandina destûra bingehîn ji bo çareserkirina pirsgirêkan hate kirin,her du alî li ser wê yekê rêkeftin ku di zûtirîn dem de pirsgirêkên di navbera Hewlêr û Bexdayê de werin çareserkirin û bandoreke neyînî li ser jiyana welatiyan û mûçeyên karmendan nehêlin.
Serok Bafil Celal Talebanî amaje bi hewlên YNKê ji bo bidestxistina maf û heqê darayî  herêmê kir û got ku berdewamiya pirsgirêkan xizmeta ti kesî nake û hemû hewlên me ji bo  derbaskirina vê rewşê ye. Her wiha got: “Gelê Kurd gelek qurbanî dane û ne layîqe ku careke din bibe mertal ji bo bidestxistina berjewendiyên hizbî û em rê nadin ku ev yek careke din dubare bibe.’’
PUKMEDIA