Talebanî: Eger herêm bikeve metirsiyê, her kes dê berdêla wê bide

Kurdistan 08:13 PM - 2023-08-09

Civîna Cîgirê Serokwezîr û Berpirsyarê Balyozxaneya Amerîkayê

Cîgirê Serokwezîr Qubad Talebanî pêşwaziya Berpirsê Karûbarên Balyozxaneya Amerîka li Iraqê David Berger kir û di civînê de behsa hilbijartinên parlamentoya Kurdistanê, aloziyên li nav Wezareta Pêşmerge, rewşa navxwe ya Herêma Kurdistanê û pêwendiyên Herêma Kurdistanê û Bexdayê kirin.

Talebanî: Divê pirsgirêkên li nav Wezareta Pêşmerge bên çareserkirin

Di civîna roja Çarşemê 9ê Tebaxa 2023ê de li Hewlêrê û tê de Cîgirê Berpirsê Fermangeha Peywendiyên Derve Daban Şadala amade bû, şanda Amerîkî daxwaz kir ku pirsgirêkên di nava Wezareta Pêşmerge de bên çareserkirin, li ber ku bandoreke rasterast li ser pêkanîna proseya çaksaziyê dike.
Di vê derbarê de Cîgirê Serokwezîr li ser girîngiya çareser kirina bilez pirsgirêkên di nava wezareta pêşmerge de hemfikir bû  ji bo ji holê rakirina metirsiyên ku di encama aloziyan de rûberûyê wezaretê bûne.

Talebanî: Divê alî çareseriyeke guncaw ji pirsgirêkên navberî xwe de bibînin

Mijareke din a hevdîtinê jî hilbijartinên dahatû  yên parlamentoya Kurdistanê bû. Talebanî got: “Em amade ne di roja ku Serokatiya  Herêma Kurdistanê diyar kiriye de hilbijartinan pêk bînin.’’
Her wiha got:"Heta wê demê divê aliyên siyasî ji bo hilbijartineke paqij û adil bi diyalogê çareseriyeke guncaw ji pirsgirêkên navberî xwe de  bibînin."

Cîgirê Serokwezîr: Divê partiyên Kurdistanî bi yekdengî  kar bikin

Di beşeke din ya hevdîtinê de giraniya Herêma Kurdistanê û metirsiyên li ser Herêma Kurdistanê hatin gotûbêjkirin. Di vê çarçoveyê de cîgirê serokwezîr dilgiraniya xwe li hember rewşa navxwe ya Herêma Kurdistanê nîşan da û got: “Di vê qonaxê de, Herêma Kurdistanê ji her demê zêdetir rûbirûyê metirsiyê ye, ji ber wê jî divê aliyên siyasî bi hest û berpirsyarî pirsgirêkên navberî xwe de çareser bikin. Ji ber ku eger herêm bikeve metirsiyê, her kes dê berdêla wê bide, ne tenê aliyek dê zirarê bibîne.”
Derbarê peywendiyên navbera Herêma Kurdistanê û Bexdayê de jî, Qubad Talebanî tekez kir: “Ji bo bihêzkirina pêgeha Herêma Kurdistanê li Bexdayê, piştî çareserkirina pirsgirêkên navxweyî, divê aliyên Kurdistanî li Bexdayê bi hev re li ser dabînkirina mafên destûrî yên Kurdistanê kar bikin.’’
PUKMEDIA