Rastiya karesata Colemêrgê.. Bersiva Serbaz Omer ji Kemal Kerkûkî re

Kurdistan 04:13 PM - 2023-08-09

Serkirde û Pêşmergeyê bihêz, Serbaz Omer

Serbaz Omer ku yek ji serkirde û pêşmergeyên Yekîtiya Niştimanî ya Kurdistanê ye ku ji karesata Colemêrgê rizgar bûye, bersifa berovajîkirina rastiyên girêdayî wê karesatê ji aliyê serkirdeyê Partiya Demokrata Kurdistanê Kemal Kerkûkî ve da.
Teksta bersiva Serbaz Omer wiha ye:
Min berî çend rojan di malpera (Drew) de hevpeyvînek digel (Kemal Kerkûkî) dît, ku tê de birîna (karesata Colemêrgê) dîsa vedike. Demek dirêj hevalên min ên nêzîk ji min xwestin ku ez li ser karesata Colemêrgê binivîsim û min hertim digot: Tişta ku rehmetî Nuşêrvan Mistefa li ser wê karesatê nivîsandiye bes û têr e û hewceyî gotinê nîne.
Tevî ku ji sala 2001ê û vir ve ez ji karê siyasî û hizbî xanenişîn bûm û dûrî nakokiyan im  û rewşa siyasî ya navçeyê û jiyana welatiyan ew qas xirab û têkçûyî ye, ku bi vekirina dosyayekê ne mimkun e ku zêdetir bibe sedema aloziya welatiyan.
Lê (Kemal Kerkûkî) min neçar kir ku bersiva wî bidim, bi taybetî ku şehîdên (Elî El-Eskerî, Dr. Xalid û Husên Baba Şêx), û her weha rehmetî (Mam Celal û Nuşêrvan Mistefa) sax nînin  da ku xwe diparêzin, lewra ez wek erkê xwe yê exlaqî û siyasî dibînim ku bi kurtî rastiya bûyeran rêz bikim.
Yekem: Ez di nava hêza Yekîtiya Niştimanî ya Kurdistanê de bûm ku dest bi tevgerê kir û di wê demê de endamê Encûmena Serkirdatiya Yekîtiya Niştimanî ya Kurdistanê û endamê ofîsa leşkerî ya tê de bûm û şehîd Elî Eskerî berpirsiyarê hêzên Pêşmerge û ofîsa leşkerî bû û ew tişta tê gotin ku ew hêz ji bo lêdana serkirdayetiya demkî û jinavbirina wê tevgeriyaye, bêbingeh e, ne rast e, ji ber ku hêzeke ku bi mebesta şer bike, 200 çekdar nabin. Pêşmerge, lewma hêza me 800 Pêşmerge bûn ku 200 ji wan bêçek bûn.

YNKê ji bo bidestxistina çekan serî li Bradostê da

Armanca me ya sereke di wê gerê de ew bû ku em herin devera Badînan û ji wir derbasî sînorê Sûriyê bibin ji bo wergirtina wan çekan, beşek ji wan ji Lîbyayê û beşek ji berxwedana Felestînê, bi taybetî Eniya Gel a bi serokatiya George Hebeş alîkar bûna û armanca me ya duyem jî ew bû ku  demekê li ba Şêx Husên Baba Şêx li Badînan bimînin ta ku hêza wî li wir bi temamî bê îstiqrarkirin û baregeha wê were avakirin.
Duyem: Di sala 1975ê de, piştî rêkeftina Cezayîrê di navbera Iraq û Îranê de bi çavdêriya (Mihemed Riza Şahê Îranê û Sedam Husên) û paşketina şoreşa Eylûlê, ku ez yek ji pêşmergeyan bûm, hevalên Partiya Demokrat ber bi Kerecê ve li nêzî paytexta Îranê Tehranê çû û têkiliyên bi hevalên Hizba Demokrat de bi Îran û Tirkiye re baş bû, di sala 1978’an de dema karesata Colemêrgê rû da, hinek ji kadroyên Partiyê li Kerecê bûn û Beşek din bi navê serkirdayetiya demkî li çiya bû, Şahê Îranê û Seddam Husên li ser desthilatê bûn û bi saya Peymana Cezayîrê têkiliyên wan bi Partiyê re baş bûn.

Di destê Kemal Kerkûkî de ti delîl tune

Birêz Kemal Kerkûkî behsa nêzîkbûna şehîd Elî Eskerî û Yekîtiya Niştimanî ya Kurdistanê ji hikûmeta Iraqê re dike, bêyî ku ti belgeyek bîne, çawa dibe ku her hêzek di heman demê de nêzîkî Iraq û Sûriyê be, lê Sedam Husên û Hafiz Esed dijminên sondxwarî yên hev bûn?!

Sê welat êrîşî  YNKê  dikin

Wê demê tenê têkiliyên me bi Sûriye, Lîbya û hin Filistîniyan re baş bûn. Lewma ji aliyê Iraq, Îran û Tirkiyê ve em rastî êrîşan hatin. Bi salan beriya wê jî şehîd Şihab, Şehîd Cefer û Şehîd Enwer Zurab li Îranê hatibûn girtin, radestî Iraqê hatibûn kirin û piştre hatibûn îdamkirin.
  Di karesata Colemêrgê de Îran û Iraqê wek dewlet êrîşî me kirin, li Tirkiyeyê jî komek eşîrên nêzî Partî êrîşî me kirin.
Di dawiyê de “Serkirdayetiya demkî” êrişî me kir û “Kak Elî El-Eskerî, Dr.Xalid û birêz Husên Baba Şêx” dema ku êsîr bûn şehîd kirin.
Sêyem, şehîdan (Elî El-Eskerî, Dr. Xalid û Şêx Husên Baba Şêx) ji baştirîn nuqteyên şoreşê û ruhê Pêşmerge bûn û nimûneyên serkirdeyên leheng bûn. Di warê reftar û berpirsatiya hêzên Pêşmerge de, ez xwe şagirtê her du şehîdan (Elî Eskerî û Dr. Xalid) dibînim, ji ber ku gelek tişt ji wan fêr bûm.
Di dema vegeryana nemir (Mam Celal û Kak Nuşêrvan) bo welat, ez gelekî nêzîkî wan bûm û 25 salan ji nêzîk ve bi Mam Celal re kar kirim. Piştî dilgiraniya min ji xebata hizbî re jî, her pêwendiya me xurt û saxlem ma. Min qet hîs nedikir ku ew mirovekî pêşdaraz e, belkî ew mînakek rêberek mêrxas, hêja û tolerans bû.
Min hertim hest bi wê yekê kiriye ku pêwendiyeke manewî di navbera Mam Celal û her du şehîdan (Elî El-Eskerî û Dr. Xalid) de heye, ji ber ku ji destpêka şoreşa Îlonê ve bi hev re xebat û tekoşîn kirine. Mam Celal bixwe jî pêşniyar kir ku şehîd Elî Eskerî bibe fermandarê hêzên Pêşmerge yên Yekîtiya Niştimanî ya Kurdistanê.
Di derbarê şehîd Şêx Hisên Baba Şêx de ku bi Mam Celal re ji Sûriyê vegeriya, têkiliyên wan ên biratî yên kûr hebûn.
Kesekî ji me hîs nekir ku di navbera Mam Celal û şehîd Elî El-Eskerî, Dr.Xalid û Şêx Husên Baba El-Şêx de nakokî û sarbûnek heye.

Şehîdên Yekîtiya Niştimanî ya Kurdistanê ne poşman bûn û ne jî paşve vekişiyan

Bi qasî ku ez wan şehîdan nas dikim (Elî El-Eskerî, Dr. Xalid û Şêx Husên Baba Şêx), ew ne mêr in ku ji bo xwe rizgar bikin li hember kesek û aliyek paşverû û poşmaniyê nîşan bidin.
Berevajîkirina dîroka din bi kêrî kesî nayê. Diviyabû birêz Kemal ev birîna kûr venekira.
Dema ku ji bo derxistina kaxizên vê birînê dixebitî, diviyabû belge û nivîsên şehîdan (Elî El-Eskerî, Dr. Xalid û Şêx Husên Baba Şêx) nîşan bide û bêyî belge li ser navê wan neaxive. 
Serkeftin ji bo şehîdên (Elî El-Eskerî, Dr. Xalid, Şêx Husên Baba Şêx) û hemû şehîdên Kurdistanê ye.
PUKMEDIA