Dadgeha Federalî îtîraza Serokwezîrê Herêma Kurdistanê red kir

Kurdistan 12:46 PM - 2023-08-08

Hikûmeta Herema Kurdistanê

Partiya Demokrata Kurdistanê (PDK) bi rêya fraksiyona xwe ya li Bexdayê hewl da ku ew madeya girêdayî parêzgehên nerazî  ji yasaya bûdceyê derxîne, lê hewlên YNKê ew madde di berjewendiya xelkê Herêma Kurdistanê de cih girt. Piştî ku serokwezîrê Herema Kurdistanê bi madeyê razî nebû û serî li Dadgeha Federal da, lê dadgehê îtîraz red kir.

Dadgeha Federal îtîraza Serokwezîr  red kir

Parlamenterê Fraksiyona YNKê li Parlamentoya Iraqê Karwan Yarweys ji PUKMEDIA re ragihand: Dadgeha Federalî îtiraza Serokwezîrê Herêma Kurdistanê ya li dijî madeya parêzgehên nerazî  di yasaya bûdceya giştî ya Iraqê ya salên 2023, 2024 û 2025an de red kir.
Yarweys got: Dadgeha Federalî daxwaznameya Mesrûr Barzanî li ser xala 8 a madeya 13 ku behsa parêzgeha nerazî  dike, red kir û li gel çend daxwaziyên din.

Karê sereke  YNKê mûçe ye

YNK dixwaze beriya her tiştî mûçeyê karmendan bê xerc kirin û neçe cihekî din.
Di vî warî de Endama Lêjneya Darayî ya Parlamentoya Iraqê Dr. Narmîn Merûf ji PUKMEDIA re ragihand: “Armanca xistina vê bendê di maddeya 13’an de ji aliyê Fraksiyona YNKê ve ew bû ku ew pereyên ku ji Bexdayê tên Herêma Kurdistanê, mûçeyên karmend û xanenişînan bidin û neçin cihên din û deynê şîrketan.’’

Yekîtiyê xala parêzgeha nerazî bi cîh kir

Madeya ku Yekîtiya Niştimanî ya Kurdistanê (YNK) îtiraza lê kiriye, di qanûna bûdceyê de cih girtiye, ku tê de hatiye ku, bûdceya Iraqê ji bo mûçeyên welatiyan bibe yekem û divê bûdce bi awayekî wekhev û dadperwerane li ser parêzgehan were dabeşkirin, eger nebe her parêzgehek dikare rasterast daxwaza pişka xwe ji hikûmeta Iraqê û serokwezîrê hikûmeta federal bike ku tedbîrên pêwîst ji bo cîbicîkirinê werbigirin, di nav de "darayî" tê wateya dayîna pereyan rasterast bo parêzgehan. 
PUKMEDIA