Yekîtiya Niştimanî.. xebata berdewam ji bo xizmetkirina Êzdiyan

Kurdistan 06:11 PM - 2023-08-04

Navçeya Şengalê

Yekîtiya Niştimanî ya Kurdistanê bi xîret û wêrek  kar dike ji bo derxistina biryarên ku xizmeta hemwelatiyên hemû pêkhateyan bike. Bi hewldanên Yekîtiya Niştimanî ya Kurdistanê û Serok Bafil Celal Talebanî, gelek biryarên girîng ên ku xizmeta welatiyên Êzidî yên li navçeya Şengalê dikin, hatin derxistin.

Parastina mafên Êzidiyan

Nûnera Yekîtiya Niştimanî ya Kurdistanê (YNK) Ronzî Ziyad Sîdo ji malpera fermî ya Yekîtiya Niştimanî ya Kurdistanê  ji PUKMEDIA re ragihand: YNKê  hertim ji bo yekkirina daxwaz û mafên Êzidiyan destpêşxeriyê dike, rolek û xebateke mezin di pênasekirina tawanên ku dijî gelê Êzidî wek jênosîd li ser asta navxweyî û navdewletî de hatine kirin.
Her wiha got: Binavkirina tawanên dijî  gelê Êzdî ku rastî jenosîdê hatine li ser asta Cihanê , vegerandina zeviyên çandiniyê bo welatiyan  li Şengalê û derxistina yasaya rizgariya êzîdî, ev hemû bi hewldanekê pêk hatin ku  roleke mezin ji aliyê Yekîtiya Niştimanî ya Kurdistanê ve pêş ket.

Eleqeya mezin ji bo mafên kêmneteweyan

Nûner Ronzî Ziyad dibêje: Serok Bafil Celal Talebanî gelek giringiyê dide xizmetkirina welatiyan, bihêzkirina mafên wan û berevanîkirin ji mafên pêkhateyan û piştgirê wan e.
Her wiha got: Yekîtiya Niştimanî ya Kurdistanê dê li parlamentoyê berdewam be bo derxistina biryar û yasayên ku di berjewendiya welatiyan de ne.
PUKMEDIA