Aso Mamend pişevaniya YNK bo her pêngavek bo werzişê piştrast kir

PUKMEDIA

Yekîtiya Niştimanî piştevaniya werzişê dike

Endamê Desteya Kar li Mekteba Siyasî ya Yekîtiya Niştimanî ya Kurdistanê Aso Mamend li Debaşanê pêşwazî li Ehmed Miberqe wezîrê ciwan û werzisê di hikûmeta Federal de kir.

Di hevdîtinê de ku bi amadebûna Mihemed Heme Seîd Wezîrê Rewşenbîrî û Ciwanan li Hikûmeta Herêma Kurdistanê, Xalid Şewanî Endamê Mekteba Siyasî û Sertîb Elî berpirsê Desteya Werzişî ya Yekîtiya Niştimanî ya Kurdistanê amade bûn. Herdu aliyan li vê hevdîtinê de rewşa werziş û ciwanan û cîbicîkirina çend projeyên hevbeş ku xizmeta bihêzkirina rastiya werzişê û pêşxistina şiyanên ciwanan li Êraq û Herêma Kurdistanê dikin, gotûbêj kirin.
Herweha herdu alî tekez li ser bihêztir kirina hemahengî û hevkariyê di hemû warên werziş û ciwanan de kirin û Aso Mamend piştgîriya Yekîtiya Niştimanî ji bo her pêngav û projeyekî dupat kir û got: Debaşan û Mala Serok Mam Celal bê cudahî mala her kesî ye û ji bo her pêngavekê ku xizmeta ciwan û werzişvanên Êraqê bike vekirî ye.
Di çarçoveya serdana xwe ya bo Silêmaniyê de, wezîrê ciwan û werzişê di hikûmeta federal de beşdarî çend çalakiyên werzişî bû û biryare sibe beşdarî palewantiya topa masê ya welatên Erebî bibe, ku li bajarê Silêmaniyê tê lidarxistin.


PUKMEDIA