YNK: Divê qirkirina Êzidiyan weke karteke siyasî neyê dîtin

PUKMEDIA

Logoya Yekîtiya Niştimanî ya Kurdistanê

Mekteba Siyasî ya Yekîtiya Niştimanî ya Kurdistanê bi boneya nehemîn salvegera tawana jenosîda li dijî kurdên êzîdî û êrîşa terorîstên DAIŞê bo ser bajarê Şingalê û derdora wê de daxuyaniyek belav kir û tê de wiha tê gotin:
Di nehemîn salvegera karesata jenosîda li dijî kurdên êzîdî û êrîşa terorîstên DAIŞê li ser bajarê Şingalê û derdora wê, ku tê de tawanên herî hovane li dijî mirovatiyê pêk anîn, tevî bizavên berdewam ên kurdan bi hemahengî ligel hikûmeta federal û hevkarîkirina aliyên siyasî yên Kurdistanî û Iraqî ji bo rakirina şopa tawanan, lê hîn birînên wê sax nebûne, ji ber ku tevî rizgarbûna ji destê DAIŞê, destên nûavakirinê negihiştiye wan navçeyan, û hejmareke mezin ji welatiyên kurd ên êzîdî li kamp û çadiran di nav koçberiyê de jiyaneke nebaş dijîn.
Piştî derxistina DAIŞê ji van deveran, tevî ku hejmareke zêde ya dîl û keçên kole yên revandî hatine rizgarkirin, lê pêwîst e em hewlên xwe zêdetir bikin ji bo dîtina çarenivîsa wan kesên ku ji rojên karesatê ve winda bûne. 
Em erkê her kesî dibînin ku Şengal û derdora wê ji her m metirsiya biparêzin û piştî dewra paşvekişîna tirsonek û xemsariya netewî, nabe ev doz wek karteke siyasî bê girtin û êş û azarên xizmên me yên li Êzdiyaxanê berdewam be.
Di vê salvegerê de jî em bejna xwe li ber ruhê  şehîdên ku di encama cinayeta Şengalê de şehîd bûne, silav dikin û hêviya aramiyê ji malbatên wan ên bi rûmet re dixwazin.
Politburo Yekîtiya Niştimanî ya Kurdistanê
PUKMEDIA