Serok Bafil: Pabendbûna bi destûrê faktora parastina mafên hemû pêkhateyan

Nivîsgeha rojnamevaniya serok Bafil

Serok Bafil û Hadî Amirî

Serokê Yekîtiya Niştimanî ya Kurdistanê Bafil Celal Talebanî li paytext Bexdayê birêz Hadî El Amirî Serokê Hevpeymaniya Fetih re civiya.

Di civînê de ku, raporterê desteya kar Rifeat Ebdullah, Derbaz Kosret Resûl endamê kargêrê mekteba siyasî, Saadî Ehmed Pîre endamê mekteba siyasî ya Yekîtiya Nîştimanî û Nîzar Amêdî wezîrê jîngeha Êraqê amade bûn, dawî pêşhatên siyasî, aborî û emnî hatin gotûbêj kirin.
Hevahengî û hevkariya zêdetir di navbera hêzên siyasî û giheştina nerîneke hevbeş ji bo hevkêşeyên giştî mijareke dinê vê hevdîtinê bû û her du alî tekez li ser çareserkirina kêşeyên di navbera hikûmeta Herêma Kurdistanê û hikûmeta federal de kirin, daku destûr bibe destpêkek ji bo çareser kirina kêşeyan û pêkanîna dadweriyê.
Serok Bafil Celal Talebanî bal kişande ser giringiya garantîkirina darayiyên herêmê û berdewamiya diyaloga avaker a niştimanî û got: Pabendbûna bi destûrê faktora sereke ye ji bo parastina mafên hemû netewe û pêkhatan li welat û aramî û derbaskirina pirsgirêkan bi xebata hevbeş û hewlên dilpak ên aliyên siyasî ve girêdayî ye.


PUKMEDIA