Partiya Komunîst piştgirî dide destpêşxeriya YNKê

Kurdistan 04:19 PM - 2023-07-18
Civîna  YNK  û Partiya Komunîst PUKMEDIA

Civîna YNK û Partiya Komunîst

YNK Hilbijartin Kerkûk

Partiya Komunîst a Kurdistanê piştgiriya destpêşxeriya YNKê ya ji bo yekrêziya kurdan li navçeyên nakok dike û bi YNKê re jî li ser wê yekê ye ku divê kurd ji bo hilbijartinên dahatû yên encumenên parêzgehên Êraqê yekrêz bin.
Endamê Mekteba Siyasî û Berpirsê Dezgeha Hilbijartinê ya Yekîtiya Niştimanî ya Kurdistanê (YNK) Rizgar Hacî Hema piştî civîna li gel Partiya Komunîst a Kurdistanê li Hewlêrê di civîneke rojnamevaniyê de ragihand: “Divê em biratiya xwe birêxistin bikin di helbijartinan de li navçeyên nakok bi hev re kar bikin, daku em çarenivîsa kurdayetiyê li Kerkûk, Xaneqîn û Xurmatû bi hilbijartineke dabeşker ji dest nedin."
“Yekane çareya vê hilbijartinê ew e ku hemû hêz û aliyên siyasî yên Kurd li hev bicivin, çawa ku aliyê din ji bo bidestxistina kursiyên zêdetir li Kerkûk û deverên din amadekariya yek lîsteyê kiriye,em jî heman şêwa ji berjewendiyên giştî û berjewendiyên gelên navçeyên Kurdistanê pêwîste vê bikin.”
Cîgirê Sekreterê Giştî yê Partiya Komunîst a Kurdistanê  Şêx Sadiq got: "Em pêşwaziyê li destpêşxeriya YNK'ê dikin ji bo yekkirina aliyên Kurdistanî li navçeyên nakok ji bo hilbijartinên dahatû yên Encûmena Parêzgehan."
“Em bi YNK’ê re hevbîr in ku li navçeyên nakok bi yekrêziyê dengên zêdetir ji Kurdan re bi dest bixin, ji ber ku divê em ji bîr nekin ku li dijî me yekitiyeke mezin heye û hewl didin me têk bidin.
PUKMEDIA

zêdetir tamaşe bike

zortrin xwendraw

Ji telefonên we re nûçeyan dinirin

Daxînin

Logo Aplîkêşin

Play Store App Store Logo
The News In Your Pocket