YNK..hewldaneke mezin ji bo yekkirina helwesta kurdan li navçeyên nakok

Kurdistan 02:06 PM - 2023-07-16

Yekîtiya Niştimanî ya Kurdistanê

Yekîtiya Niştimanî ya Kurdistanê daxwaza beşdariya Kurdan di hilbijartinên encumenên parêzgehan de bi helwesteke yekgirtî yan jî bi lîsteyeke yekgirtî, bi taybetî li navçeyên nakok dike, ku biryar e di dawiya îsal de were lidarxistin.
Û bi hewla xwe, Yekîtiya Niştimaniya Kurdistanê hertim deriyên xwe ji bo hemû aliyên Kurdistanî ji bo yekxistina helwêstên kurdan, bi taybetî ji bo beşdarbûna di hilbijartinên bê de, vekirî dihêle.

Yekitiya Kurdan bingeh e

Nûnera Yekîtiya Niştimanî ya Kurdistanê Sozan Mensûr di daxuyaniyeke taybet de ji malpera fermî ya Yekîtiya Niştimanî PUKMEDIA re ragihand: Yekîtiya bi hemû hêza xwe kar dike ji bo yekkirina helwesta Kurdan li navçeyên nakok bi taybetî li parêzgeha Diyale.
Herwaha got: Yekîtî tekezî li ser giringiya yekrêziya Kurdistanê dike û pêwîste hemû aliyên din ên Kurdistanî bi giringiya yekrêziya Kurdistanê li navçeyên dabrênrewekan bizanin.

Xizmeta xelkê navçeyên dabrênrewekan

Sûzan Mensûr dibêje: Yekîtiya Niştimanî ya Kurdistanê di hemû hilbijartinên borî de xwestiye û heta niha jî hewla yekkirina rêzên kurd û yekxistina helwesta Kurdan ji bo bidestxistina rêjeyeke zêde ya dengan daye.
Wê her wiha got: Helwesta kurdan ji bo xizmetkirina xelkê navçeyên nakokbar, bidestxistina hejmareke zêde ya kursiyan û garantîkirina mafên welatiyan pir girînge.

Yekkirina helwesta Kurdan ferz e

Endamê xebatkarê Navenda Rêxistinên Xaneqînê ya Yekîtiya Niştimanî ya Kurdistanê Zanyar Cewher ji PUKMEDIA'yê re ragihand: Navçeya Xaneqîn li parêzgeha Diyalayê xwedî girîngiyeke mezin e û divê helwesta kurdan li wê derê bibe yek.
Got jî: Pêwîste yekhelwesta Kurd li parêzgeha Diyale were yek kirin bo parastina ziman, çand û resenîya Kurdan li parêzgeha Diyaleyê.

Rêya Serok Mam Celal bişopînin

Zanyar Cewher dibêje: Yekîtiya Niştimanî ya Kurdistanê weke berê di serdema Serok Mam Celal de, deriyên wê ji hemû aliyên Kurdistanî re vekirî ye û niha jî Serok Bafil Celal Talebanî heman rêyê dişopîne û dixwaze helwesta xwe yekalî bike li navçeyên nekok.
Got jî: Hin aliyên siyasî hene ku naxwazin helwêsta kurdan li navçeyên nekok bibe yek û ev yek jî ziyanê digihîne berjewendî û hêbeta kurdan û dibe ku ew navçe li ber kempînên nû yên erebkirinê bin.

PUKMEDIA