Nûnerê YNKê daxwaza bilezkirina yasaya avakirina parêzgeha Helebceyê dike

PUKMEDIA

YNK daxwaz dike ku rêkarên avakirina parêzgeha Helebce bi dawî bibin

Endameke Yekîtiya Niştimanî ya Kurdistanê nameyeke fermî ji Serokê Encûmena Nûneranê Êraqê re şand û tê de daxwaz ji Komîteya Herêm û Parêzgehan kir ku proje yasaya avakirina parêzgeha Helebce bikeve rojevê û dengdan li ser were kirin.
 Encûmena Nûnerên Êraqê îro Şemiyê 15.07.2023ê yekemîn civîna xwe ya asayî di dema duyem ya yasayî ya sala duyem a hilbijartinan de bi amadebûna 178 parlamenteran dest pê kir.
Li gorî naveroka civînê, parlamento çend proje yasayan dixwîne, ji wan jî xwendina yekem a pêşnûmeya yasaya Têkoşîna Dijî Terorê, Ajansa Îstixbarata Netewî, Kolîja Firokevaniya Artêşê û hejmareke din ji projeyan.
Çiro Hema Şerîf  Endama Civata Nûneran ya Yekîtiya Niştimanî ya Kurdistanê, di daxuyaniyekê de ji malpera fermî ya Yekîtiya Niştimanî ya Kurdistanê PUKMEDIA re ragihand: ““Min daxwaz ji parlementoyê kir ku di demek nêzîk de xwendina sêyem ya proje qanûnê were kirin û pirsa Helebce bibe parêzgeha 19 a Êraqê, di vê çarçoveyê de, serokê parlamentoya Êraqê komîteyek ji bo cîbicîkirina daxwaza min û xwendina sêyem a parêzgeha Helebceyê bikeve rojeva civîna parlamentoyê de destnîşan kir.
Hefteya borî Wezareta Plandanan a Êraqê bi fermî sînorên cografî yên parêzgeha Helebce diyar kir û yek ji wan tedbîran bû ku bibe parêzgeha Helebce û ya ku maye tenê xwendina sêyem a proje yasaya parlamentoya Êraqê ye ku bi fermî bibe parêzgehek nû. 
PUKMEDIA