Bizavên YNKê ji bo dabînkirina dadweriyê ji mamostayan re

Kurdistan 12:27 PM - 2023-07-11

Yekîtiya Niştimanî parêzvanê mafên welatiyan e

Yekîtiya Niştimanî ya Kurdistanê ji bo parastina mafên welatiyan û dabînkirina pêdawîstiyên wan hewlên mezin û giring dide û bi saya wan hewlan li ser çareserkirina gelek pirsgirêkan li hemû navçeyên bi pirsgirêk li hev kirin.
Di nav van pirsgirêkan de ya herî girîng jî veguheztina kadroyên mamosteyên girêdayî xwendina Kurdî li Kerkûk, Xaneqîn, Mexmûr û navçeyên mayî yên nakok ji bo Wezareta Perwerdeyê ya di hikûmeta federal de ye û bi hewlên bloka Yekîtiya Niştimanî, biryarek ji aliyê hikûmeta federalî ve hat dayîn ku veguhestina van mamostayan pesend kir, lê mixabin di dema gotûbêjkirina yasaya bûdceyê de li civata nûneran ev biryar hat redkirin.

Sazkirina wê paragrafê bi hewldanên bloka Yekîtiya Niştimanî pêk hat

Nûnerê Yekîtiya Niştimanî ya Kurdistanê Karwan Yarvaîs  ji malpera fermî ya Yekîtiya Niştimanî ya Kurdistanê PUKMEDIA re ragihand: Yekîtiya Niştimanî ya Kurdistanê gelek kar kir ku mamosteyan li navçeyên bi pirsgirêk  were veguheztin bo kadroyên wezareta Perwerdehiyê di hikûmeta federal de.
Got jî: Biloka Yekîtîya Niştîmanî karibû vê xalê di bûdceyê de bi cîh bike, lê mixabin di dema gotûbêjkirina bûdceyê de ji alîyê civata nûneran ve hat red kirin.

Divê hikûmet vê bendê biparêze

Karwan Yarvaîs dibêje: Hikûmeta federal di dema gilîkirina madeyên yasaya bûdceyê de, neçar bû daxwaza vegerandina xala veguhestina mamostayan li navçeyên nakokdar bike, ji ber ku ev xal mafê van mamosteyan e.
Got jî: Pêwîst bû hikûmeta federal îtîrazê li ser derxistina vê xalê ji yasaya bûdceyê bike, ji ber ku ew xal erêkirina hemû alîyên beşdar di hevpeymanîya Îdareya Dewletê de wergirtibû û li ser vê xalê hevdeng û lihevkirin hebû, lê mixabin ev yek di dema dengdana li ser bûdceyê de ji aliyê Meclîsa Nûneran ve hat redkirin.

Mafekî rewa yê mamosteyan

Nûner Sebah Hebîb, endama komîteya perwerdeyê li civata nûneran ji PUKMEDIA re ragihand: Hikûmeta federal neçar bû parastina wê xalê bike ji ber ku beşek ji bernameya karê wê bû, bi taybetî di xala 21 a bernameya karê hikûmetê de.
Got jî: Ev mamosta li deverên bi pirsgirêk kar dikin û mafê wan heye ku karmendên wan di nava kadroyên wezareta perwerdeyê de li hikûmeta federal hebin.

Yekîtiya Niştimanî parêzvanê mafên welatiyan e

Nûner Sebah Hebîb dibêje: Yekîtiya Nîştimanî bi taybetî Serok Bafil  Celal Talebanî ji bo dadperweriya van mamostayan û veguhestina karmendên wan bo Wezareta Perwerdeya Federalî gelek kar kir.
Got jî: Serok Bafil Celal Talebanî karîye vê xalê di bernameya kar a hikûmetê da cîbicî bike û li gel wezîrê perwerdê li hikûmeta federalî li ser vê babetê gotubêj kir û ev xal ketîye bernameya karê wezareta rewşenbîrî.

Em ê têkoşîna mamosteyan bidomînin

Nûner Sebah Hebîb dibêje: Em di Yekîtîya Niştîmanî ya Kurdistanê de dê gelek kar bo cîbicîkirina wê xalê bikin ji ber ku ew mafekî  rewa ye bo mamostayên deverên nakok û li gorî madeya 140.
Got jî: Yekîtîya Niştîmanî ya Kurdistanê dê gavên zêdetir bo parastina vê xalê bavêje û em dê bi hemû hêza xwe kar bikin daku dadperwerî li zêdetir ji 17 hezar mamostayên ku li deverên bi pirsgirêk  kar bike.
PUKMEDIA