Qubad Talebanî: Em pêşwaziya kompaniyên Veberhênanê li Îranê dikin ku li Herêmê kar bikin

PUKMEDIA

Qubad Talebanî û Nasrallah Recnûdî Konsulê Giştî yê Îranê

Qubad Talebanî cîgirê serokê hikûmeta herêma Kurdistanê di hevdîtinekê de digel Nasrallah Recnûdî Konsulê Giştî yê Îranê li Herêma Kurdistanê geşepêdana peywendiyên bazirganî li gel Îranê piştrast kir.
Qubad Talebanî îro pênşemî pêşwaziya Nesrallah Recnûdî konsulê giştî yê Îranê li Herêma Kurdistanê kir.û Her du alî behsa pêşhatên dawî yên siyasî û peywendiyên dualî kirin û di hevdîtinê de li ser pêşxistina peywendiyên bazirganî û her du aliyan li ser çawaniya rêkxistina deriyên sînorî bi awayekî ku di paşerojê de xizmeta bazirganan û pirosesa bazirganiyê bike, danustandina  kirin.

Di vê çarçoveyê de her du alî li ser berdewamiya hemahengiya di navbera her du hikûmetan de ji bo hêsankirina karê bazirganan ji bo xizmetkirina berjewendiyên aborî yên di navbera her du welatan de li hev kirin.
Li beşekî dinê vê hevdîtinê de behsa sermayerazandina kompanyayên Îranî li Herêma Kurdistanê hat kirin û Cîgirê Serokwezîrê Herêma Kurdistanê li ser vê dosyayê ragihand: Hikûmeta herêmê pêşwaziyê li hatina sermayedarên Îranê dike û kompaniyên Îranî dikarin roleke zêdetir di geşepêdana Herêma Kurdistanê de bilîzin û em asankariyên pêwîst ji bo karê wan peyda dikin.


PUKMEDIA