Serok Bafil: Em pêşwaziyê li yekxistina hêzên Pêşmerge dikin

Ofîsa Serokê YNKê

Serok Bafil bi fermandar û efserên pilebilind ên yekîneyên leşkerî re dicive

Serokê Yekîtiya Niştimanî ya Kurdistanê (YNK) Bafil Celal Talebanî li baregeha Rêveberiya Giştî ya Dijî Terorê li gel hejmarek fermande û efserên pilebilind ên yekîneyên leşkerî civiya.
Di civînê de ku Şalaw Kosret Resûl, Burhan Seîd Sofî endamê Mekteba Siyasî, Wasta Resûl berpirsa navenda rêxistina Pêşmerge û serleşker Omer Salih serokê erkantiya hêzên 70 amade bûn, di hevdîtinê de rewşa emnî û pêngavên ji nû ve rêkxistin û pêşxistina şiyanên hêzên Pêşmerge hatin gotûbêjkirin û tekez li ser yekrêziya kar bo bidestveanîna vê armanca niştimanî hate kirin.
Serok Bafil Celal Talebanî pêngav û biryarên dawî yên ji bo rêkxistin, çaksazî, berdewamkirina rahênan û bilindkirina şiyanên leşkerî û istixbaratî yên Hêzên Pêşmerge rave kir û got ku hemû hewl tên dayîn ji bo jinûve organîzekirina hêzan û amadekirina wan di nav avahiyeke nû de ji bo avakirina hêzeke neteweyî ya bihêz ku parêzvanê rasteqîne yê berjewendiyên neteweyî ye li ser bingehê wekhevî, dadmendî û hevsengiya hêzê be .Em her daxwazekî  derveyî  vê armanca bilind red dikin, ji ber wê jî divê hemû fermande û efserên hêzên Pêşmerge bi hemû dilsozî erkên xwe pêk bînin û wek her car xizmeta Kurdistanê bikin.
Derbarê hevkarî û hemahengiya di navbera hemû hêzên leşkerî û ewlekarî û yekxistina hewlên xwe bo parastina asayîş û aramiyê de, Serok Bafil got ku pêwîste hemû hêzên leşkerî û ewlekarî di çarçoveya yasayên cîhbicîh de bi hev re hevkarî û hemahengî bikin û di çarçoveya yasayên cîhbicîh de bi erkên xwe rabin û canê xelkê biparêzin.
Parastina sînoran, bihêzkirina sengerê  hêzên Pêşmerge û şerê li dijî terorê  mijareke din a civînê bû û  bi berfirehî hate gotûbêjkirin û biryarên pêwîst hatin standin.
PUKMEDIA