Zindan û kuştin... Bihayê azadiyê li Hewlêr û Dihokê

Kurdistan 04:13 PM - 2023-07-05

Raporên rêxistinan hebûna binpêkirina azadiyan li Hewlêr û Dihokê piştrast dikin

Parêzgehên Dihok û Hewlêrê di asta azadiya raderbirînê û demokrasiyê de ji bo karê rojnamevaniyê daketineke berçav dibînin, ji ber ku desthilatdarên wir cihên azadiyê ji rojnamevanên çalakvan re sînordar dikin, û hin ji wan ji ber weşandina kurte şîroveyek an nivîsandinê li ser torên civakî têne girtin, di demekê de ku parêzgehên Silêmanî şahidiya dabînkirina cihên berfireh bo karê rojnamevanî û sivîl ji her kesî re bê îstîsna dikin.

Mekanên azadiyê li hin deveran tine ne

Rojnamevanê Parêzgeha Dihokê Fagir Nihilî di daxuyaniyeke taybet de ji malpera fermî ya Yekîtiya Niştimanî ya Kurdistanê PUKMEDIA re ragihand: Ew raportên ku behsa nebûna mekanên azadiyê li Herêma Kurdistanê dikin, rast in û bi jimareyan vê yekê piştrast dikin.
Got jî: Parêzgeha Dihokê di warê nebûna azadîya derbirînê de di rêza yekem de ye û piştî wê jî parêzgarê Hewlêrê tê û ev yek jî ji ber kiryarên ku ji alîyê desthilatdaran ve li parêzgehên Dihok û Hewlêrê tên kirin.
Wî jêderî eşkere kir: Ez kesekî xelkê parêzgeha Dihokê me ku ji tirsa canê xwe reviyam bajarê Silêmaniyê û gelek caran rastî desteserkirin û destdirêjiyê hatim. 

Silêmanî herêmeke ewle ye

Fagir Nihilî dibêje: Dema her kesek li Hewlêr û Dihokê rastî metirsiyan tê, direve Silêmaniyê û ev jî belgeya wê yekê ye ku deverên azadiyê li vir berfirehtir û baştir in.
Got jî: Li parêzgehên Hewlêr û Dihokê welatî ji ber nebûna azadîya wê derê rastî gef û êrîşan tên, eger bi partiyeke siyasî ve nebin, nikarin li Hewlêr û Dihokê kar bikin.

Rêjeya azadiyê di bin sifirê de ye

Rojnamevan û çalakvanê sivîl Hêmin Mamend ji PUKMEDIA re ragihand: Rêjeya azadiya derbirînê li parêzgehên Hewlêr û Dihokê di bin sifirê de ye û raporên navdewletî yên derbarê vê yekê de jî vê yekê piştrast dikin.
Got jî: Rayedarên parêzgehên Hewlêr û Dihokê rojane xelkê wan du parêzgaran desteser dikin, ji ber ku wan di torên civakî de şîroveyek yan jî nêrînek kurt belav kirine û ev yek jî bûye sedem ku gelek ciwan û çalakvanên medenî birevin ji  Hewlêr û Dihokê bo derveyî welat.

Li qada zer azadî tune

Hêmin Mamend dibêje: Azadiya raderbirînê li devera zer tine ye, lê li devera kesk bi rêjeyek mezin heye û baş e, nemaze di dema serokê nemir Mam Celal de, li Silêmanî ku platformek azad ji bo pêşkêşkirinê ava kir di qada xebatê ya belaş ji bo rojnamevan û çalakvanan.
Got jî: li devera zer, hejmareke mezin ji girtîyan hene ku tomet û sînaryoyên derew ji bo wan hatine çêkirin û piraniya wan bê mehkemekirin bo heyamên dirêj di zindanê de mane, lê li devera kesk, tu rojnamevanek di zindanan de nabînî

Rêxistina Nûçegihanan: Ji aliyê îstatîstîkî ve hûn rast dibêjin

Rêxistina Peyamnêran rastbûna wan amarên ku behsa hebûna binpêkirinan li Hewlêr û Dihokê dikin piştrast dike û dibêje: “Ji bilî raportê  rêxistinên navdewletî li ser van binpêkirinan, me raporta xwe arasteyî hemû balyozxane û konsulxaneyên welatan li Êraqê û herêmê kiriye."
Berpirsê Rêxistina Rojnamegeran Hozan Qadir di daxuyaniyekê de ji malpera fermî ya Yekîtiya Niştimanî ya Kurdistanê (PUKMEDIA) re derbarê vê dosyayê de got: “Ew binpêkirinên ku me di raporta xwe de behsa wan kiriye, hemû rast in û li ser bingeha agahiyên ku me ji çavkaniyên xwe girtin e."
 Hozan Qader dibêje: “Me raporta xwe arasteyî hemû balyozxane û konsulxaneyên welatan li Êraq û Herêma Kurdistanê kir û rêxistinên navdewletî jî li ser hebûna binpêkirinan bi taybet li Hewlêr û Dihokê hemfikir in.
Rojnamevan û raporta Rêxistina Peyamnêran li ser wê yekê hemfikir in ku mafên kesan û mafên rojnamevanan li parêzgeha Silêmanî û Helebceyê ji parêzgehên Hewlêr û Dihokê zêdetir heye û raportên rêxistinên navdewletî jî di salnameya xwe ya salane de ev rastî piştrast kirine. 
 Berfirehbûna azadiyan, azadiya çapemeniyê û nebûna gefên li ser rojnamevanan, Silêmaniyê kir herêmeke ewle û jîngeheke guncaw ji bo çalakvan û rojnamevanên Hewlêr û Dihokê, ku ji ber binpêkirinên li navçeyên xwe diçin Silêmaniyê û dibînin ku ew dikarin bi serbestî û bêyî ku metirsî li ser jiyana wan hebe, karê xwe bikin û ev yek bû sedem ku gelek rojnamevan û çalakvanên sivîl ji tirsa jiyana xwe li Hewlêr û Dihokê berê xwe didin Silêmaniyê.
PUKMEDIA