Pirsgirêkên jîngehê Hikûmetê û 16 nûnerên welatên biyanî kom dike
Kurdistan 06:55 PM - 2023-06-26Hikûmeta Herêma Kurdistanê û nûner û konsulên welatan li ser mijarên jîngehê civiyan
Cîgirê Serokwezîr Qubad Talebanî serpereştiya civîneke hevbeş a di navbera Hikûmeta Herêma Kurdistanê û zêdetirî 16 konsul û şandên dîplomatîk ên Herêma Kurdistanê li ser pirsa parastina jîngeha Kurdistanê kir û di civînê de çendîn piroje hatin gotûbêj kirin ku ji bo parastina jîngeha Kurdistanê kar bikin.
Di civînê de ku roja duşemê 26.06.2023 li bajarê Hewlêrê û bi amadebûna Wezîrê Elektrîkê, Wezîrê Çandinî û Çavkaniyên Avê, Serokê Lijneya Jîngehê û Cîgirê Fermangeha Peywendiyên Derve amide bûn , Qubad Talebanî, behsa rewşa niha ya jîngeha Kurdistanê û metirsî û encamên guherîna keşûhewayê li ser Kurdistanê kir.
Her wiha got: “Hêjî ne dereng e ku hikûmet, civaka sivîl û welatên dost, planeke zanistî ya stratejîk û berfireh li ser çawaniya rûbirûbûna guherîna avhewayê û parastina jîngeha Kurdistanê amade bikin,ji ber ku jîngeh mijareke girîng e û bêyî hevkariya berfireh a hikûmet, civaka sivîl û civaka navneteweyî ne hêsan e ku mirov li hember guhertinên xeternak ên jîngehê şer bike.’’
Cîgirê Serokwezîrê Kurdistanê di beşeke din ji axaftinên xwe de balkişand li ser pirsgirêkên çavkaniyên ax û avê yên li Kurdistanê û got: Mixabin axa me ya bi bereket di metirsiyê de ye, her çende em dixwazin ji bo ewlekariya xurek , geşepêdana ax û warên abûrî çandiniyê pêş bixin û bi ser bikevin,lê divê ji bo parastina ax, çavkaniyên avê û paqijkirina wan jî planên me hebin.’’
Di vê çarçoveyê de Qubad Talebanî daxwaz ji welatên dost kir ku pispor û şêwirmendên xwe bişînin Kurdistanê bi taybetî di warên parastin û paqijkirina av û axê de.
Di hevdîtinê de çendîn mijarên din jî hatin gotûbêjkirin ji wan çawaniya zêdekirina rêjeya keskayê li Kurdistanê û bilindkirina hişyarî û rola rêxistinên civaka sivîl di parastina jîngehê de. Di vê derbarê de Qubad Talebanî daxwaz ji konsulxaneyan kir ku zêdetir giringiyê bidin hevkarî kirina rêxistinên jîngehparêzî.
Li beşekî dinê hevdîtinê de çendîn projeyên cuda pêşkêşî konsulxaneyan hatin kirin ku bi rêya welatên xwe alîkariya Hikûmeta Herêma Kurdistanê û civaka sivîl di mijara parastina jîngehê de bikin.
Ev civîn piştî wê yekê tê, ku duh Qubad Talebanî li gel hejmarek pispor û akademîsyen li ser mijarên jîngeha Kurdistanê civiya û biryar e di rojên bê dê civînên berfirehtir li ser asta pispor û aliyên peywendîdar ên Herêma Kurdistanê û Êraqê bên lidarxistin da ku pirsa jîngehparêzî bibe karê sereke yê siyaseta Êraq û Kurdistanê.
PUKMEDIA
hewal ziyatr
-
Encumena Nûneran serokekî nûh hildibjêre
11:27 AM - 2024-05-17 -
Serok Bafil: Em hewil didin hêzên neteweyî xur dûr ji berjewendiyên hizbî ava bikin
04:19 PM - 2024-05-16 -
Serokkomar pêşwaziya Serokê Filistînê dike
11:21 PM - 2024-05-15 -
Saadî Pîra: YNK dixwaze jiyana xelkê xweş bike
05:49 PM - 2024-05-15
zêdetir tamaşe bike
Derbaz Kosret: Amrîkî giringiyê didin serencên serok Bafil
04:04 PM - 2024-05-17
Dahata Silêmaniyê di heftiyekê de zêdey 11 milyar dînar e
11:14 AM - 2024-05-17
Serok Bafil: Hevahengiya berdewam di navbera herêm, Êraq û hevpeymaniyê de bo rûbirûbûna zehmetiyan
09:48 PM - 2024-05-16
Qubad Talebanî û şandeke Amerîkî: Em geşbîn in ku herêm û Bexda dê bigihin rêkeftinekê
07:19 PM - 2024-05-16
zortrin xwendraw
-
Derbaz Kosret: Amrîkî giringiyê didin serencên serok Bafil
Kurdistan 04:04 PM - 2024-05-17 -
Dahata Silêmaniyê di heftiyekê de zêdey 11 milyar dînar e
Kurdistan 11:14 AM - 2024-05-17 -
Serok Bafil: Pêwîstiya me bi hilbijartinên dadmend heye
Kurdistan 07:38 PM - 2024-05-17 -
Encumena Nûneran serokekî nûh hildibjêre
Kurdistan 11:27 AM - 2024-05-17