Herdu Politburoyên Yekîtî û Partî wê bicivin

PUKMEDIA

logoya Yekîtî û partî

Berdevkê Fermî yê Yekîtiya Niştimanî ya Kurdistanê ragihand: “Sibe roja duşemê 26.08.2023ê her du polîtbîroyên Yekîtiya Niştimanî ya Kurdistanê û Partiya Demokrata Kurdistanê li baregeha siyasî ya Yekîtiya Niştimanî ya Kurdistanê li bajarê Hewlêrê dicivin.

Berdevkê Fermî yê Yekîtî Dr.Soran Cemal Tahir di daxuyaniyeke taybet de ji PUKMEDIA re ragihand ku siba demjimêr 11 berî nîvro Şanda Mekteba Siyasî ya Yekîtiya Niştimanî ya Kurdistanê bi serokatiya Bafil Celal Talebanî Serokê Yekîtiya Niştimaniya Kurdistanê û endametiya Cefer Şêx Mistefa Cîgirê Serokê Herêma Kurdistanê û Şalaw Elî Eskerî û Derbaz Kosret Resûl du endamên desteya kargêr ya Mekteba Siyasî li gel şanda Mekteba Siyasî ya Partiya Demokrat dicive.
Di hevdîtinê de pêşhatên siyasî yên dawî yên li Herêma Kurdistanê û Êraqê û kêşeyên ku di paşerojê de rûbirûyê kurdan dibin, dê bên gotûbêjkirin, pirsgirêk û nakokiyên heyî dê bên nirxandin û çareseriyên guncaw bên pêşniyarkirin û peywendiyên dualî di navbera Yekîtî û Hizba Demokrat dê li ber çavan bê girtin."
Li gor zanyariyên ku ketine destê (PUKMEDIA) şanda Partiya Demokrata Kurdistanê dê bi serokatiya Fadil Mîranî û endamtiya Fûed Husên, Mehmûd Mihemed û Sîdad Barzanî bê.


PUKMEDIA