Serok Bafil: YNK li ser mafên Pêşmerge tawîz nade

PUKMEDIA

Serokê YNKê pêşwaziya şandeke leşkerî ya Brîtanyayê kir

Serokê Yekîtiya Niştimanî ya Kurdistanê (YNK) Bafil Celal Talebanî pêşwaziya  şandekî  leşkerî ya Brîtanyayê bi serokatiya Mareşal Samî Sampson Şêwirmendê Berevaniyê yê Birîtanya li Rojhilata Navîn û Bakurê Afrîkayê kir.
Di civînekê de ku bi amadebûna Derbaz Kosret Resûl kargerê  Mekteba Siyasî, Lîwa Bextiyar Mihemed Sekreterê Giştî yê Wezareta Pêşmerge û Rosie Cave Konsula Giştî ya Brîtanya li Herêma Kurdistanê amade bûn, pêngavên yekxistina hêzên Pêşmerge hatin gotûbêjkirin û tekezî li ser berfirehkirina hevkarî û hemahengiya serbazî di navbera hevpeymanan û hêzên Pêşmerge de ji bo avakirina hêzeke niştimanî ya bihêz a amade bo rûbirûbûna gefan.
Serok Bafil Celal Talebanî destxweşî li hewlên berdewam ên hêzên hevpeyman kir û rêz li qurbanîdana hêzên hevpeymanan da ku aramiyê bidomîne û got :’’ YNK pabende bi hemû lihevkirin û rêkeftinên di dema borî de bo yekxistina hêzên Pêşmerge. Em naxwazin ev têgihiştinên hanê bi şaşî bên arastekirin û ev pirsa netewî bibe qurbana berjewendiyên hizbî.’’
Serok Bafil amaje bi wê yekê jî kir ku, YNK ji mafên Pêşmerge û pêşxistina şiyanên wan tawîz nade û di heman demê de divê Pêşmerge di xizmeta berjewendiyên netewî de û  berevaniyê li ax, gel û ala me bike.
PUKMEDIA