Pesendkirina bûdceyê û Yekîtiya Niştimaniya Kurdistanê berevanî li mafên gelê Kurdistanê kir

Êraq 11:53 AM - 2023-06-12

Encûmena Nûneran

Îro Duşemê 12-6-2023, Parlamentoya Êraqê piştî çar roj gotûbêjên tund û aloziyên navbera aliyên cuda, deng li ser proje yasaya bûdceya federalî ya sala 2023-2024-2025 da.
Encumena Nûneran dest bi rûniştina xwe ya asayî bo temamkirina dengdana li ser proje yasaya bûdceya darayî kir. Rûniştina ku bi serokatiya Serokê Meclîsê Mihemed Helbûsî hat lidarxistin, 229 parlementar beşdar bûn.
Encûmenê raporta xwe û gotûbêjkirina pêşnûmeya yasaya ji bo guhertina duyem ya yasayê ji bo guhertina endamên Civata Nûneran bi dawî kir.
Û Civata Nûneran maddeya 43 ya bûdceyê ji bo çaksazkirina wê pêdaçûnê kir, herweha piştî navbereke kurt ji bo nîqaşê dengdana li ser madeyên mayî yên proje yasaya bûdceyê ji nû ve dest pê kir. Û dengê xwe da xalên 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 61, 62, 63, 64, 65, 66, 67 û madeya 68 a ku dibêje: Ev qanûn di Rojnameya Fermî de hatiye weşandin û ji 1ê Çileya Paşîn a 2023an pê ve tê meşandin.
Meclîsê deng da ku madeyeke nû li budceyê were zêdekirin û wiha tê gotin: "Tu naverok, zagon û biryarek ku li dijî vê qanûnê be naxebite."
Meclisa Nûneran piştî ku maddeya 43 ya proje yasaya bûdceyê hat guhertin û proje yasaya bûdceyê madeya 42ê ya têkildarî dahatên firotina benzîn, kaz, nefta reş û sotemeniya ji derve tê dang da. Û li ser xala 17 ya proje yasaya bûdceyê, û maddeya 16 ya proje yasaya bûdceyê ji bo vemirandina pêşveçûnan.

Herweha li ser beşek ji madeya 15 ya pirojeyasaya budceyê jî deng da, û li ser serrastkirina naveroka madeya 2 jî û serrastkirina naveroka madeya 57 naveroka madeya 15 deng da, herweha li ser madeyeke nûh derbarê tîmên Heşdi Şeibî û madeya veguherandina peymanên mayî di komîsyona hilbijartinan  bo peymanên karî de jî deng da, û madeyeke ku 150 milyar dînar bo cîbicîkirina pirojeyên Êraqî- Mesrî deng da.

Fireksiyona Yekîtî ji bo bidestveanîna mafên gelê Kurdistanê kar kir

Ji dema ku hikûmetê proje yasaya bûdceyê ji parlamentoyê re şandiye, Yekîtiya Niştimanî ya Kurdistanê kar kiriye ku mafê gelê Kurdistanê di bûdceyê de were destnîşankirin.
Bi saya hewlên Yekîtiya Niştimanî, girêbestên hilbijartinan yên karmendên Komîsyona Hilbijartinan veguherî girêbestên kar, ku zêdetir ji 3000 karmend sûdmend in ku zêdetirî 1000 ji wan Kurd in.
Yekîtiya Niştîmanî jî karîbû xalek di maddeya 14ê ya projeyê de cîbicî bike, ku garantî dide dabeşkirina dadperwerane ya bûdceya Herêma Kurdistanê li ser hemû navçeyên Kurdistanê bê cudahî û di heman demê de hikûmeta herêmê jî ferz dike ku giringiyê bide mûçeyên kerman û xanenîşê.
Yekîtiya Niştimaniya Kurdistanê hewl da ku xalek derbarê vegerandina mûçeyên bi zorê yên karmendên Herêma Kurdistanê deyne û bi rêya Komîteya Darayî di madeya 14 a projeyasayê de cih bigire, lê fireksiyona Partiya Demokrata Kurdistanê bi hemahengî ligel Tevgera Nifşê Nû ev hewldan rawestand û ji aliyekî din ve jî fireksiyonên Iraqî red kir ku hikûmeta federal ti pereyan ji bo vê yekê terxan bike û vê yekê bi berpirsyariya hikûmeta herêmê dibîne.

PUKMEDIA