Malbata Şehîd Hawkar: Em biryarên takekesî red dikin û daxwaza avakirina komîteyekê dikin

PUKMEDIA

Sîrwan Caf birayê şehîd Hewkar Caf

Malbata şehîd Hewkar Caf tekez kir ku ew bi endambûna xwe di nava refên Yekîtiya Niştimanî ya Kurdistanê de serbilind in û tekez kirin ku ew biryarên di dosyeya şehîd de hatine dayîn siyasî ne, ne yasayî.

Birayê şehîd Hewkar Caf Sîrwan Caf di civîneke çapemeniyê de ku PUKMEDÎA lê amade bû got: Kesên ku bazirganiyê li dosyaya şehîd Hewkar Caf dikin hene, ji bo bidestxistina post bal ber xwe ve dikşînin û dixwazin di navbera endamên malbata me de fitneyê derxin bi rêya berevajîkirina rastiyan.
Herwaha got: Em û malbata xwe şanaziyê bi wê yekê dikin ku em girêdayî Yekîtiya Niştimanî ne û şehîd Hewkar jî bi endambûna xwe ya Yekîtiya Niştimanî serbilind bû, lê mixabin dosyeya şehîd Hewkar ji bo tasfiyekirina siyasî bi awayekî hişk hat bikaranîn.
Got jî: Em dipirsin, gelo biryar nebû komîteyek bê alî ji bo lêkolîna dosyaya şehîd Hewkar Cef bê avakirin, çima Partîya Demokrat ev biryara yekalî girt û eger li gel Yekîtîya Niştîmanî li Bexdadê rêkeftibana wê ev biryar derxistana.

Birayê şehîd Hewkar Caf got: Em hemû biryarên takekesî yên dadgeha Hewlêrê red dikin û daxwaza avakirina komîteyeke navdewletî ya lêkolînê dikin bo rastkirina xeletiyan û dîtina hemû belgeyan û ragihandina wan ji raya giştî re, wê demê dadgeh dikarin cezayên bidarvekirinê li ser tawanbaran derbixin û wan ji bo şerê siyasî bikarnahînin.
Sîrwan Caf di berdewamiya axaftina xwe de got: Em belgeyên pêbawer derbarê nasnameya kujerê rastî di destê me de ne û di dema avakirina komîteyeke hevbeş ya navdewletî de emê hemû belgeyên ku di destê me de hene ragihînin û daxwaz ji nûnerên hemû welatên biyanî yên li Herêma Kurdistanê hene dikin ku li hember dosyaya kuştina şehîd Hewkar Caf bêdeng namînin. Em dixwazin ev sînaryoya karîkatorî were têkbirin û em ji kujerên şehîd Hawkar Caf re dibêjin emê rastiya we nîşan bidin û em ê rûyê we yê gemar ji raya giştî ya navneteweyî û herêmî re eşkere bikin.

PUKMEDIA taybet