Serokkomarê pêşwaziya Wezîrê Derve yê Sûriyê kir

Nivîsgeha Serokatiya komarê

Hevdîtina serokkomar bi wezîrê derve yê Sûriyê re

Îro yekşemî 04.06.2023 Serokkomarê Dr.Ebdulletîf Cemal Reşîd li Koşka Bexdayê pêşwaziya wezîrê derve yê Sûriyê birêz Feysel El-Miqdad bi amadebûna cenabê wezîrê derve birêz Fuad Husên kir.

Di destpêka hevdîtinê de Wezîr Feysel El-Miqdad silav û pêzanînên serokê Sûriyê Beşar Esed gihand Serokê Komara Êraqê û daxwaziyên wî yê pêşketin û geşedanê ji bo gelê Êraqê gihand, di heman demê de bi cenabê Balyoz silav û pêzanînên xwe pêşkêşî Serok Esed kir û hêviya bextewerî û aramiyê ji gelê Sûriyê re ragihand.
Serok balkişand li ser kûrahiya peywendiyên heyî yên di navbera Êraq û Sûriyê de û pêwîstiya bihêzkirin û belgekirina wan di warên curbicur de bi awayekî ku xizmeta berjewendiya her du gelên bira û şêwir û hemahengiyê li ser mijarên hevbeş bike. balkişandina ser meydanên navçeyî û navdewletî û giringiya rola Êraqê di çareserkirina pirsgirêkên navçeyê de û amaje bi pêwîstiya hevkariyê bo şopandina bermahiyên terorê û kontrolkirina sînoran û kontrolkirina madeyên hişber ji bo pêkanîna ewlehî û aramiyê kir.
Serok Komarê amaje bi wê yekê jî kir ku Êraq tekezî li ser vegerandina kursiyê Sûriyê di Komkara Erebî de dike û giringiya wê li ser asta navçê bi giştî dizane û hemû hewlên xwe ji bo beşdarbûna xwe di Lûtkeya Erebî ya vê dawiyê de dixebitîne.

Cenabê wî bal kişand ser helwêsta Êraqê li hemû bajar û parêzgehên wê di warê piştevanîkirina ji gelê Sûriyê yê bira di karesata erdhejê de, ku nîşana biratiya di navbera her du gelan de ye.
Ji aliyê xwe ve Wezîr Feysel El-Miqdad helwêstên bi rûmet ên Êraqê li hember Sûriyê û rola wê ya dîplomatîk ya berçav ji bo vegerandina kursiyê xwe ji bo Komkara Erebî bilind nirxand û ev yek jî nîşana xwesteka Sûriyê ji bo bihêzkirina peywendiyên biratî di navbera her du welat û gelan de û kiryara hevbeş a rûbirûbûna terorê û bihêzkirina danûstandinên aborî û bazirganî, pesna rola serokê nemir Mam Celal Talebanî û bihêzkirina peywendiyên di navbera gelên Êraq û Sûriyê de kir.
Wezîrê karên derve kêfxweşiya xwe ji pêşhatên girîng li Êraq li ser asta siyasî, geşepêdan û ewlehiyê nîşan da ku li ser asta navçeyî û navneteweyî bi awayekî erênî derketiye holê û rola erênî û zelal a Êraqê li alîkariya Sûriyê bi taybetî di dema erdhejê de bilind nirxand.


PUKMEDIA