Dirêjkirina temenê Parlamentoya Kurdistanê neqanûnî ye û li dijî destûrê ye

PUKMEDIA

Konseya Dadwerî ya Bilind

Dadgeha Bilind a Êraqê biryar da ku dirêjkirina dema parlamentoya Herêma Kurdistanê nedestûrî ye û biryarên di dema dirêjkirinê de hatine girtin jî pûç in.
Dadgeha Bilind a Federal a Êraqê roja Sêşemê biryar da ku dirêjkirina dema parlamentoya Herêma Kurdistanê nedestûrî ye û hemû biryarên ku di dema dirêjkirina parlamentoyê de hatine dayîn, betal in.
Serokê Dadgeha Bilind a Federalî, dadwer Casim Mihemed Ebûd, di rûniştina dadgeha taybet a ji bo dirêjkirina dema parlamentoya herêmê de got ku "destûr xwedî hêzeke razber û herdemî ye û ew belgeyeke yasayî ye ku wê ferz dike, qanûnên li ser hemû deshilatdaran, û destûr rêgeza  bingehîn ên ku proseya siyasî li ser wan hatiye avakirin, di nav de serweriya yasa û ku gel çavkaniya deshilatê ye.
Herwaha got: ‘’Di destûrê de hatiye diyarkirin ku temenê parlamentoyê 4 sal be û her metneke din ya yasayî ku berovajî destûrê be, pûç û betal tê dîtin.
Navbirî wiha berdewam kir: “Herêma Kurdistanê li gor xalên destûrê federal e û berdewamiya rûniştina pêncem a Parlamentoya Kurdistanê piştî dirêjkirina zêdetirî 4 salan berevajî bendên wê ye û dadgehê biryar da ku dirêjkirina dema parlamentoyê û jiyana Parlamentoya Herêma Kurdistanê ne destûrî ye û pêncemîn rûniştina wê bi dawî hatiye û ya ku piştî dirêjkirina wê hatiye dayîn ji aliyê destûrî ve betal e."
PUKMEDIA