Talebanî: Ji bo çareserkirina pirsgirêkan têgihiştin heye

Buroya Çapemeniyê ya Qubad Talebanî

Qubad Talebanî pêşwaziya Villa Variola kir

Cîgirê serokwezîr Qubad Talebanî pêşwaziya Villa Variola Balyoza Yekêtiya Ewropa li Êraqê kir û di civînê de pirsên jîngehparêzî û çaksaziyên li saziyên Herêma Kurdistanê û çendîn mijarên din ên balkêş hatin gotûbêjkirin.
Di civîna ku li Hewlêrê hat lidarxistin de, cîgirê serokwezîr spasiya hevkarî û piştgiriya  civaka navdewletî kir, bi taybetî Yekîtiya Ewropayê ji bo nêzîkkirina aliyan ji bo çareserkirina pirsgirêkên navxweyî û çareserkirina pirsgirêkên di navbera Herêma Kurdistanê û Bexdayê de.
Di vê derbarê de Qubad Talebanî eşkere kir ku têgeheştineke baş di navbera aliyên siyasî de heye bo çareser kirina pirsgirêkan  bi awayekî ku xizmeta berjewendiyên gelê Kurd bike.
Di beşeke din ya civînê de behsa jîngeh û encamên metirsîdar ên guhertinên jîngehê hate kirin. Balyozê Yekêtiya Ewropa yê rola Qubad Talebanî di giringîdan bi pirsên jîngehparêziyê bilind nirxand û got;’’ Yekêtiya Ewropa amade ye hem ji bo hikûmeta Herêma Kurdistanê û hem jî ji bo hikûmeta federal alîkariya çewaniya rûbirûbûna pirsgirêkên jîngehê bike.’’
Di vê çarçovê de çendîn pîlan hatin gotûbêj kirin ku li gel hikûmeta herêma Kurdistanê û hikûmeta federal kar bikin bi bernameyeke hevbeş bo çareser kirina kirîzên jîngehparêziyê daku ev pirs bibe karekî sereke yê siyaseta Êraqê.
Mijareke din a civînê jî pêvajoya çaksaziyê di saziyên hikûmeta Herêma Kurdistanê de bû.
Cîgirê Serokwezîr spasiya alîkariya Yekîtiya Ewropayê kir ku ji bo şandina şêwirmend û pisporên aborî ji bo pêşdebirina proseya çaksaziyê alîkariya Hikûmeta Herêma Kurdistanê bikin.
Qubad Talebanî got :’’ku reform di van salên dawî de qonaxeke baş derbas kiriye û girîngtirîn pêngava ku hatiye cîbicîkirin ew e ku her karmendek xwediyê hejmareke şexsî ye ku ev hejmar bingehek e ji bo avakirina hikûmeta elektronîk û bingehê sereke ye ji bo avakirina hikumeteki ku xwedan sîstema bankî pêşketî be.’’
PUKMEDIA