Serok Bafil:Li koll senter ve guhdarî daxwazên gel dikin

PUKMEDIA

Serokê Yekîtiya Niştimanî ya Kurdistanê Bafil Celal Talebanî

Serokê Yekîtiya Niştimanî ya Kurdistanê (YNK) ragihand, navendek ji bo ragihandina peyam û daxwazên îdarî û hizbî li Silêmaniyê tê vekirin û got:“Ez ê bi rêya vê navendê bê cudahî guhdarî daxwaz û peyamên welatiyan bikim û pirsgirêk û daxwazên wan bişopînim û hewl bidim wan çareser bikim.
Serokê Yekîtiya Niştimanî ya Kurdistanê (YNK) Bafil Celal Talebanî avakirina navendeke ragihandinê ji bo diyaloga rasterast ligel welatiyan ragihand û got:"Fikra avakirina navendê vedigere wê yekê ku min di destpêkê de bersiv da her bangekê heya ku kesek jimareya têlefona min belav kir û nekarî  rêkûpêk xwe bigihîne min, ji ber vê yekê em fikirîn ku navendek bangê vekin da ku baştir bigihîje me.
Wî got: "Navend, bangewaziya hemû welatiyan bêyî reng, bîr û ramanan werdigire û her welatiyekî ku daxwaz û pirsgirêkek îdarî û hizbî hebe dikare bi navendê re têkilî dayne û peyama xwe ragihîne, da ku em bişopînin û ji bo wê kar bikin." 
Serokê Yekîtiya Niştimanî ya Kurdistanê (YNK) di bersiva rojnamevanekî de derbarê proseya hilbijartinan de wiha got:“Di pêvajoyê de hinek pirsgirêk hene, lê dê hilbijartin bên kirin û divê pirsgirêk bên çareserkirin.
Serok Bafil di bersiva pirseke din a rojnamevanan de derbarê civîna berê ya civata wezîran ya derbarê çaksazkirina darayî ya Herêma Kurdistanê de, got: “Kabîneya nehemîn pêngaveke wêrek avêt û karî ber bi rêyeke din ve biçe ku xizmetkirina bê cudahî û giringîdana mûçeyan tê de heye, ku ev yek cihê pesindayînê ye û em piştgiriyê wê dikin û aliyên din jî bi me re hevbîr in.
Derbarê destpêşxeriya Serokê Partiya Demokrata Kurdistanê (PDK) Mesûd Barzanî ya ji bo vekirina qonaxeke nû di navbera partiyan de, Serokê Yekîtiya Niştimanî ya Kurdistanê (YNK) wiha got; “Em bi vê destpêşxeriyê kêfxweş in û em li hêviya wê bûn û ez spasiya wî dikim ku çendîn caran pirsa rewşa tendirustiya min pirsî ye  û karê me başkirina rewşa Herêma Kurdistanê, Êraq û navçeyê ye.”
Her wiha got: “Pêşvebirina rewşê karê me hemûyan e û bi baweriya min her ku alî nêzîktir bibin dikarin gavên baştir ji bo xizmetkirina welatiyan li Herême , Êraqê û navçeyê bavêjin.’’
Serokê Yekîtiya Niştimanî ya Kurdistanê (YNK) Bafil Celal Talebanî got:“Em li ser hevdîtina Mesrûr Barzanî û Qubad Talebanî geşbîn bûn, rast e dibe ku nêrînên me yên cuda hebin, lê îro ez ji duh geşbîntir im ku em bi hev re pêş bikevin.’’
PUKMEDIA