YNK û PDK’ê daxuyaniyeke hevpar dan

PUKMEDIA

Civîna hevbeş a mekteba siyasî ya YNK û PDKê

Îro Sêşemî 16ê Gulana îsal di dema diyarkirî ya Kurdistanê de, polîtburoya siyasî ya YNK û PDK daxuyaniyeke hevbeş belav kirin.  Her du alî li ser bihêzkirina pêkhateya destûrî ya Herêma Kurdistanê û bilezkirina pêngavên yasayî û siyasî yên ji bo lidarxistina hilbijartinên parlamentoya Kurdistanê di dema xwe de li hev kirin.
Nivîsa daxuyaniyê.
Piştî destpêşxeriya birêz Mesûd Barzanî roja 11.05.2023ê di merasima vekirina bîrdariya netewî ya Barzanî de, îro 16.05.2023  Polîtboruyên YNK u PDK li Silêmaniyê civiyan.
Di destpêka hevdîtinê de her du alî destxweşî li destpêşxeriya Serok Barzanî kirin, ku di dema pêwîst de hat, her du alî li ser wê yekê hemfikir bûn ku li gel aliyên din pêngavên pratîkî ji bo şopandina vê destpêşxeriyê û rêkxistina karûbarên navxweyî yên Kurdistanê û vekirina qonaxeke nû di pêyîwendiyan de  di hemû waran de biavêjin. 
Her du mekteba siyasî pîrozbahiyê li Encûmena Wezîran dikin ji ber pesendkirina projeya çaksaziya darayî ku projeya hemû aliyên pêkanîna kabîneya nehemîn e û her du polîtburo bi tevahî piştgiriya wê dikin.
Di mijareke dinê hevdîtinê de her du alî li ser bihêzkirina pêkhateya destûrî ya Herêma Kurdistanê û bilezkirina pêngavên yasayî û siyasî yên ji bo lidarxistina hilbijartinên parlamentoya Kurdistanê di dema xwe de li hev kirin.
Her du alî jî dixwazin her kes di berdewamiya atmosfera biratiyê û bi hev re hevkariyê bike û valahiyên berê ji holê rabike.
Her du alî biryar dan ku weke tîmekê kar bikin û çendîn civînên din jî ji bo dabînkirina jîngeheke qanûnî û siyasî ya guncaw ji bo lidarxistina hilbijartinan û çareser kirina pirsgirêkên  li herêmê pêk bînin.
PUKMEDIA