Civîn ji bo çareserkirina pirsgirêkan derfetan dide

Kurdistan 08:29 PM - 2023-05-09

Hewlêr

Endamê Mekteba Siyasî ya YNKê ragihand, civîna navberî serokwezîr û cîgirê serokwezîrê Herêma Kurdistanê ji bo şikandina astengî  di navbera her du tîmên di nav hikûmetê de ye û çareserkirina pirsgirêkan zor  girîng bû û li ser asta navxweyî û navdewletî jî pêşwaziya germ lê hat kirin û got:  “Piştî civîna serokwezîr û cîgirê wî, dibe  derfetekî  baş ku em behsa çareserî û daxwazên YNKê bikin, ku ev yek jî daxwaza gelê Herêma Kurdistanê ye.

Civîn hem li herêmê hem jî li qada navneteweyî bi erênî hat pêşwazîkirin

Ji bo çareser kirina pirsgirêkan  divê rêyên zêdetir ji bo têgihiştin û nêzîk kirina tîmên YNK û PDKê li hev bên girtin.
Endamê Mekteba Siyasî ya Yekîtiya Niştimanî ya Kurdistanê (YNK) Stran Ebdullah ji PUKMEDIA re ragihand:"Pêşwaziya germ di asta navxweyî û navdewletî de  ji bo hevdîtina Serokwezîr û Cîgirê Serokwezîrê Herêma Kurdistanê tê wateya avêtina pêngavan ji bo çareserkirina pirsgirêkan û dirustkirina jîngeheke guncaw û têgihîştina hevbeş li ser hemû pirsgirêkan."
“Piştî civîna serokwezîr û cîgirê serokwezîr, niha derfetek başe ji bo gotûbêjkirin û çareserkirina daxwazên YNKê ku daxwaza gelê Herêma Kurdistanê ye, ji bo birêvebirina baştir û xizmetkirina zêdetir ji bo gel.’’ got.
Stran Ebdullah got, destpêşxeriya dostên me ji bo çareserkirina pirsgirêkên  Herêma Kurdistanê bi xêr û xweş e û ji bo gelê Herêma Kurdistanê xwedî wateyeke mezin e."Em hêvîdar in ku rêyên zêdetir ji bo nêzîkkirina YNK û PDKê di hikûmetê de werin girtin."Em di wê baweriyê de ne ku piştî civîna serokwezîr û cîgirê wî çareseriya pirsgirêkan   leztir be , ku ev yek di berjewendiya gelê Herêma Kurdistanê  û pêkhateya herêmê de ye."

YNK dê gelê kurd ji bindestiyê rizgar bike

Helwestên nû yên YNKê li hember hikûmetê ji bo başbûna xelkê Herêma Kurdistanê ne.
Endamê Serkirdayetiya Yekîtiya Niştimanî ya Kurdistanê (YNK) Bêstûn Sebûraweyî ji PUKMEDIA re ragihand:YNK ji destpêkê ve ji bo rizgar kirina gelê Kurd ji bindestî û zulmê hatiye damezrandin û piştî rizgar kirinê jî, armanc ewe ku îdareyeke guncaw ji bo gelê Herêma Kurdistanê ye , helwesta  tîmê wezîrên YNKê vê kabîneyê de di vê çarçoveya de bû.
"Helwestên nû yên YNKê li hember hikûmeta Herêma Kurdistanê tenê ji bo aramiya zêdetir ji bo gelê Herêma Kurdistanê û yekrêziya Kurdistanê bû, ji ber ku daxwaz daxwazên gel bûn û YNKê her dem rûmeta gelê Kurdistanê parastiye. "wî got.
“Em geşbîn in ji bo hevdîtina serokwezîr û cîgirê serokwezîr, ku tê çaverêkirin civîneke berhemdar be, bi mebesta çareser kirina pirsgirêkan û bihêztir kirina desthilatdariya Herêma Kurdistanê û bihêzkirina peywendiyên YNK û PDK.’’got
Duşemî 08.05.2023 li bajarê Hewlêrê Serokwezîr Mesrûr Barzanî û Cîgirê Serokwezîr Qubad Talebanî civiyan û tekez li ser çareserkirina pirsgirêkan bi rêya diyalogê kirin,ji bo parastina berjewendiyên netewî û mafên destûrî yên hemwelatiyan û  parastina yekîtiya navxweyî.
Di vê navberê de, Dewletên Yekbûyî yên Amerîkayê, Brîtanya û Koreya Başûr peyamên dîplomatîk ên piştgiriyê şandin û ev gav wekî derfetek çêker ji bo çareserkirina pirsgirêkan dîtin.
PUKMEDIA