YNK`ê pirsgirêkên mamosteyan çareser dike

Kurdistan 01:22 PM - 2023-05-07

Xwendina kurdî li Kerkûkê

Yekîtiya Niştimanî ya Kurdistanê ji bo parastina mafên welatiyan û dabînkirina pêdawîstiyên wan hewlên mezin û giring dide û bi saya wan hewlan rêkeftin li ser çareserkirina gelek pirsgirêkan li hemû navçeyên dabrênrewe de hat kirin.

Di nav van pirsgirêkan de ya herî girîng jî veguhestina mîlakên mamostayên xwendina kurdî li Kerkûk, Xaneqîn, Mexmûr û navçeyên mayî yên dabrênrewa ji bo Wezareta Perwerdeyê ya di hikûmeta federal de ye, biryarek ji bo erêkirina veguhestina van mamostayan hat derxistin û ev biryar niha di qonaxên pêşkeftî yên cîbicîkirinê de ye.

 

Serok Bafil Celal Talabanî guh da daxwazên me

Rêvebira Yekîneya Çavdêriya Lêkolînên Kurdî li Kerkûkê Perwîn Fetih ji malpera PUKMEDIA re ragihand: Dema Serok Bafil Celal Talebanî serdana Kerkûkê kir, ligel Yekîtiya Mamostayan civiya û li wir jî me daxwaz ji wî kir ku kar li ser wê yekê bike, ji ber ku ev mijar ji bo Kurdan li Kerkûkê gelek girîng e.
Herwaha got: Serok Bafil Celal Talebanî guh da me û soz da me ku hemû hewlên xwe li gel hikûmeta federal ji bo piştevaniya xwendina Kurdî li Kerkûkê bikin û hewlên wî bi serkeftî bi dawî bûn û em spasiya wî dikin ji bo piştevaniya berdewam bo mamosteyan.

Biryar di cîbicîkirinê de ye

Perwîn Fetih dibêje: Biryara veguhestina kadroyên mamosteyên xwendina Kurdî li navçeyên dabrênrewa bo kadroyên Wezareta Perwerdeyê di hikûmeta federal de razîbûna wezaretên perwerde û darayî li hikûmeta federal wergirt.Got jî: Komîteya bilind a hevbeş ji wezaretên perwerdeyê yên Herêma Kurdistanê û hikûmeta federalî niha bi berdewamî kar bo kontrolkirina dosya û zanyariyên wan mamostayan dike û em hêvîdar in ku ev komîte bi lez dawî li karê xwe bîne.

Xebatên fireksiyona Yekîtiya Niştimanî ya Kurdistanê

Perwîn Feteh dibêje: Serok Bafil Celal Talebanî û parlamenterên Yekîtî li Parlamentoya Kurdistanê bi berdewamî ji bo derxistina vê biryarê kar dikirin.
Wê got jî: Ev biryar dê alîkariyeke mezin li pêşdebirina şert û mercên jiyana mamostayan bike, ji ber ku ew dê bi temamî mafên xwe yên rewa bi dest bixin.

Fireksiyona Yekîtiya Niştimanî li ser derxistina vê biryarê xebitî

Nûnera Yekîtiya Niştimanî ya Kurdistanê Sebah Hebîb ji PUKMEDIA re ragihand: Me di Yekîtiya Niştimanî de bi berdewamî ji bo derxistina vê biryara girîng xebat kir.
Got jî: Em wek fireksiyona Yekîtî li gel wezîrên perwerde û darayî yên hikûmeta federalî kombû û me karî bûdceyek taybet bo cîbicîkirina vê biryarê terxan bikin.

Bandoreke mezin li ser jiyana mamosteyan kir

Nûner Sebah Hebîb dibêje: Yekîtî ji sala 2017ê ve kar bo çareserkirina vê pirsgirêkê û veguhestina mîlakên mamostayên dibistanên Kurdî bo karmendên Wezareta Perwerdeya Federalî dike.
Got jî: ev biryar dê di berjewendîya mamostayan de be, û ew dê hemû mafên xwe yên rewa wek mamostayên parêzgehên din bi dest bixin, ji ber ku demek dirêje ew ji mafên xwe yên bingehîn bêpar mane, lê ev biryar dê bibe sedema baştirkirina asta jiyana mamostayan.

Em pêkanîna biryarê bi berdewamî dişopînin

Nûner Sebah Hebîb dibêje: Em di Yekîtîya Niştîmanî ya Kurdistanê de dê berdewam bin li ser hewlên xwe bo şopandina cîbicîkirina vê biryarê û emê

PUKMEDIA taybet